Por Europa Press / Redacción | SANTIAGO DE COMPOSTELA | 12/12/2023 | Actualizada ás 18:25
Os bombares comarcais que se atopan en folga desde o verán iniciarán este venres unha concentración permanente na Praza do Obradoiro de Santiago en demanda de avances na negocicación das novas condicións para o servizo. Nun comunicado subscrito por UGT, CIG, CC.OO., USO, CSIF e Sibgal, o comité de folga trasladou que comunicou á Subdelegación do Goberno que pretendían iniciar este 15 de decembro unha protesta pacífica no Obradoiro "en formato acampada".
Con todo, a solicitude foi denegada tras os informes emitidos polo Concello de Santiago e da Policía Nacional nos que se apuntaba, respectivamente, á celebración de actos relacionados co Nadal no espazo e ao risco por alerta terrorista. Por tanto, decidiron que a protesta se desenvolverá como unha concentración permanente cun retén de 20 bombeiros que, durante a noite, será menor pola negativa das autoridades a que se instalen tendas de campaña. Esta nova acción reivindicativa responde ao "crecente descontento" coa Xunta e as deputacións, aos que acusan de "romper acordos e mentir aos medios" mentres expoñen "un novo empeoramento" das condicións laborais dos traballadores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.