Sobe un 5% o prezo dos coches de segunda man en 2023, por encima da media española
Por E.P. | SANTIAGO DE COMPOSTELA | 15/01/2024 | Actualizada ás 13:40
O prezo dos coches de segunda man incrementouse un 5,1% en Galicia en 2023 respecto de 2022, un punto e medio por encima da media española (3,4%), segundo os datos da Asociación Nacional de Comerciantes de Vehículos (Ancove).
En concreto, o prezo medio dos coches de ocasión en Galicia alcanzou os 11.787 euros, uns 1.000 euros menos que a media española, que se sitúa en 12.789 euros. Por provincias en Galicia, o maior repunte prodúcese en Ourense (7,1%). Séguelle A Coruña e Lugo, ambos con 5,6%, e Pontevedra (3,9%).
Nos coches de máis de 8 anos, o prezo foi de 9.143 euros en Galicia, un 5,3% de subida en termos interanuais. O prezo medio no país foi de 9.808 euros, un 4,3% de incremento. O peso destes turismos foi do 70,9% sobre o total do mercado de segunda man, fronte ao 61,2% a nivel nacional.
