"Israel: Stop kiilling journalists in Gaza"
Concentración este xoves contra o asasinato de xornalistas palestinos por parte do Exército israelí.
Por Galicia Confidencial | Compostela | 07/02/2024 | Actualizada ás 20:40
Non hai un número exacto de informadores que teñen morto na Guerra de Gaza logo de catro meses de guerra. Hai quen fala de máis de 60 e outros dun cento. O caso é que o número é tan elevado que ten provocado as críticas de distintos gobernos da rexión e das asociacións de xornalistas internacionais.
Por iso, este xoves 8 de febreiro terá lugar ás 18 horas unha concentración no Centro Internacional de Prensa de Galicia en protesta polos asasinatos a xornalistas palestinos na guerra de Gaza. Farase secundando a campaña internacional Israel: Stop Killing Journalists in Gaza, promovida pola Federación Internacional e Europea de Xornalistas e a Asociación de Periodistas de Santiago de Compostela, co apoio do Colexio Profesional de Xornalistas de Galicia.
