Por Europa Press / Redacción | SANTIAGO DE COMPOSTELA | 12/02/2024 | Actualizada ás 20:27
A Federación Galega de Municipios e Provincias (Fegamp) púxose en contacto coa Secretaría Xeral de Medios da Xunta para coñecer o procedemento de xestión das axudas á compra dos novos decodificadores vía satélite da TDT, co obxectivo de poder proporcionar esa información aos concellos e usuarios afectados.
Estas axudas foron anunciadas polo presidente da Xunta, Alfonso Rueda, o pasado xoves 8 de febreiro, despois do Consello da Xunta, coincidindo coa proximidade da data final de emisión en calidade estandar (SD) da TDT, prevista para o 14 de febreiro de 2024.
En opinión da Fegamp, "urxe resolver a situación dos concellos e usuarios afectados pola compra dos novos decodificadores" que, segundo a Xunta de Galicia, chegaría a 4.300 vivendas en 260 concellos dos 313 galegos. As axudas anunciadas pola Xunta prevén sufragar o 100% do custo do decodificador e da súa instalación nas primeiras vivendas, cun máximo de 400 euros, e o 505 nas segundas residencias, cun límite máximo de 200 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.