(Vídeo) Tópicos nos videoxogos: A misión en Galicia do 'Call of Duty', cazar narcos na Costa da Morte

Os mitos sobre Galicia reprodúcense ata nos videoxogos. Terra de narcos, onde abunda a droga e os cárteles, así é como pintan a Galicia nunha misión do videoxogo 'Call of Duty: Modern Warefare II', que se estroou no 2022. É a primeira vez que a exitosa saga de videoxogos, despois de 19 anos de entregas, sitúa unha misión en España, despois de ter pasado xa por practicamente todos os países, e faino con esta visión de Galicia.

A misión en concreto créase seguindo a liña de busca duns misís que o xogador fai durante toda a campaña de 'Modern Warefare II'. Atópanse datos nun teléfono que conduce ao xogador a unha zona aillada de España onde poderían estar as armas. E, aínda que nun primeiro momento fálase da costa mediterránea, cando o xogo ubica no mapa o lugar aparece Galicia. Unha vez na zona, non hai que fixarse moito para percatarse de que se trata do cabo Vilán.

En realidade, é un lugar ficticio, pero cuxa inspiración queda máis que clara cando se ve o faro ao lonxe e a casa que o precede, ao carón xusto dun parque eólico. E é que o cabo Vilán ten pegado un parque eólico, homónimo, que foi o primeiro que se construiu en Galicia fai xa 23 anos, da man de Unión Fenosa. A zona foi declarada de Interese Nacional no ano 1933 e agora é Monumento Natural pola súa orografía rochosa e escarpada.

Nesa contorna, o xogador terá que matar (estaría ben revisar de novo o tema da violencia e agresividade nos videoxogos que se sitúan sempre no 'top 10') a narcotraficantes que teñen alí instalado o seu negocio e, polo camiño, atoparase con almacéns de droga, narcolanchas e mesmo un narcosubmarino que, ao contrario do que din as personaxes no xogo, si foi quen de atravesar o Atlántico.

 

Cabo Vilán | Fonte: masquetreking - Arquivo

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)