O concello ourensán de Laza rexistra un tremor de terra de magnitude 2,4

O Concello Ourensán de Laza rexistrou na noite do domingo un tremor de terra de magnitude 2,4 a tan só un quilómetro de profundidade.

Así o reflicten os datos recolleitos polo Instituto Xeográfico Nacional, segundo os cales o tremor tivo lugar ás 22.43 horas da pasada noite. A pesar da súa escasa profundidade, non foi sentido polos veciños.

Trátase do segundo tremor do fin de semana en Ourense, xa que o sábado á primeira hora da mañá o concello do Barco de Valdeorras rexistraba un sismo de 1,6 de magnitude, a 15 quilómetros de profundidade. O venres, o municipio lucense de Sarria rexistraba un terremoto de 3,7 graos de intensidade.

Laza no mapa