Rueda saca peito para defender a Altri: "Aí están os resultados electorais de Palas de Reis"
O presidente galego tira de resultado electoral para criticar a postura do BNG e defender o proxecto da celulosa.
Por Galicia Confidencial | Compostela | 10/06/2024 | Actualizada ás 14:48
O 60% de apoio que o PP tivo en Palas de Rei "dalle ás" ao presidente da Xunta para defender o polémico proxecto que Altri quere realizar neste concello. "Aí están os resultados o que nos dá un refrendo político", asegurou Alfonso Rueda.
Un argumento, o electoral, co que o xefe do Executivo galego insiste en defender un proxecto que foi contestado hai unhas semanas por milleiros de persoas nas rúas desta localidade. Por iso, a súa mensaxe ía destinada, claramente, ao BNG ao que o PP responsabiliza da mobilización social e da mala prensa da megacelulosa que a empresa portuguesa quere realizar en Palas.
"Tivemos xa o refrendo político e falta o refrendo técnico", destacou Rueda que asegurou que este proxecto sairá adiante, sempre e cando, sexa "técnicamente viable" e así o consideren os ténicos da Xunta. Neste concello, o PP acadou o 60% do apoio electoral, fronte ao 18% dos socialistas e o 14% do BNG.
Por outra banda, o presidente galego tamén se referiu, durante a rolda de prensa posterior ao Consello da Xunta, ás vías de financiamento desta megaindustria e lembrou que o Goberno central comprometeu fondos europeos para a súa realización. "O ministro de Industria dixo no Senado que lle parecía un proxecto contundente e que o estaban avaliando e estaba por resolver... O que por saber é a postura do Goberno do ·stado. Agardo que a postura reciba o apoio", dixo.
