Un vehículo incendiado na AP-9 en Caldas de Reis e unha persoa ferida nun accidente na N-6
O parque provincial de Betanzos recibiu o aviso por un accidente Unha vez no punto, os bombeiros comprobaron que só había un vehículo implicado e envorcado. O seu labor consistiu en prestar apoio na atención á vítima, que foi finalmente trasladada ao Hospital San Rafael.
Por E.P. | A CORUÑA | 08/05/2025 | Actualizada ás 19:27
Unha persoa resultou ferida nun accidente de tráfico na N-6, á altura do punto quilométrico 568, segundo informa o Consorcio Provincial Contraincendios.
O parque provincial de Betanzos recibiu o aviso por un accidente Unha vez no punto, os bombeiros comprobaron que só había un vehículo implicado e envorcado. O seu labor consistiu en prestar apoio na atención á vítima, que foi finalmente trasladada ao Hospital San Rafael.
Por outra banda, o parque provincial de Boiro acudiu a un aviso ás 16.36 horas por un incendio nun vehículo localizado na AP-9, á altura do punto quilométrico 110.
Os bombeiros desprazáronse ata o lugar, xunto á peaxe do Concello de Caldas de Reis, onde atoparon o coche incendiado. Tras a extinción do lume, deuse por finalizado o servizo ás 17.10 horas. No operativo participaron tamén a Policía Local de Caldas, o Servizo Municipal de Protección Civil de Cuntis e Tráfico.
Por outra banda, o parque provincial de bombeiros de Boiro recibiu aviso ao redor das 11.00 horas desta mañá por un simulacro de incendio iniciado no CEIP Santa Baia, no Concello de Boiro.
Ao chegar ao lugar, os bombeiros realizaron unha inspección do perímetro do centro e o director do incluso lles indicou que xa realizaran a evacuación seguindo o simulacro.
Os bombeiros montaron unha liña de extinción e accederon ao centro ata o comedor onde se situaría o suposto incendio, simulando a extinción do mesmo.
