O Parlamento demanda que se reduzan os cortes eléctricos no rural galego, que o BNG achaca á "eucaliptización"

O Parlamento galego aprobou, por unanimidade a proposta do BNG, unha iniciativa na que se insta á Xunta a dirixirse ao Goberno central para que se reduzan os cortes eléctricos no rural galego e se mellora o servizo. Esta proposta tamén pide mellorar o modo en que se indemniza a usuarios que sofren problemas no servizo en Galicia, de modo que se pide a actualización automática da indemnización segundo os indicadores económicos vixentes ou segundo o prezo medio de enerxía nas facturas de electricidade.

Tamén se apela a un cambio do sistema de medida de calidade do servizo de subministración de electricidade no que se valore os investimentos que suporá a redución do tempo mínimo para que un corte sexa considerado interrupción, do tres minutos actuais a un valor inferior co obxectivo de chegar ao nivel de microcorte.

O responsable de Enerxía do BNG, Xosé Manuel Golpe, denuncia que a "eucaliptización" do territorio provoca máis do 80 % dos fallos de liñas de media tensión en Galicia, causados por cuestións como a caída de ramas e troncos. "Isto é un verdadeiro defecto e vai en contra de calquera política que se poida deseñar para evitar despoboamento do rural, de facelo atractivo para habitalo ou para desenvolver un negocio", lamenta. Sinala que o sistema eléctrico tivo un superávit de 600 millóns en 2024 que se podería destinar a mellorar a calidade do servizo

PLAN DE COMERCIO

Por outra banda, o PPdeG aprobou unha proposición non de lei na que insta á Xunta á posta en marcha, "canto antes", o plan estratéxico do comercio 2025-2030. A deputada popular Felisa Rodríguez valora que este plan "é unha folla de ruta que naceu de consenso colectivo e de escóitaa e as achegas do sector", que inclúe 74 accións específicas para as que se destinarán 320 millóns nos próximos seis anos.

Vista dunha torre de alta tensión | Fonte: Jesús Hellín - Arquivo