Galicia ten unha carencia de investimento de 9.000 millóns de euros en infraestruturas
Así o apunta a asociación Seopan, que cifra 3.943 millóns para construír uns 300 quilómetros de estradas estatais; uns 1.500 millóns para o desenvolvemento sur do porto exterior da Coruña; 1.202 millóns para investimentos do terceiro ciclo de planificación hidrolóxica; así como 430 millóns no AVE Madrid-Galicia (variante de Ourense).
Por Europa Press / Redacción | SANTIAGO DE COMPOSTELA | 22/07/2025 | Actualizada ás 18:28
A Asociacion de Empresas Construtoras e Concesionarias de Infraestruturas (Seopan) publicou un informe no que identifica unha necesidade de investimento de 8.965 millóns de euros en infraestruturas prioritarias en Galicia. Este estudo, en colaboración co grupo tecnolóxico Sener, apunta a unha estimación de 7.129 millóns en infraestruturas planificadas e de 1.836 millóns para a modernización de infraestruturas. Por materias, este investimento pendente repártese en: 6.194 millóns en transporte, 1.998 millóns en auga, 462 millóns en equipamento público e 311 millóns no medio ambiente.
Entre os investimentos planificados apúntase: 3.943 millóns para construír uns 300 quilómetros de estradas estatais; uns 1.500 millóns para o desenvolvemento sur do porto exterior da Coruña; 1.202 millóns para investimentos do terceiro ciclo de planificación hidrolóxica; así como 430 millóns no AVE Madrid-Galicia (variante de Ourense). E entre os investimentos de modernización están: 795 millóns para renovación de redes de abastecemento de auga de hai máis de 40 anos; 462 millóns para aumentar a capacidade hospitalaria con novas camas; 311 millóns en infraestruturas relacionadas con medio ambiente e 157 millóns para o acceso ferroviario ao porto da Coruña.
