Coruña Estudo Inmersivo (CEI) presentado como un referente en innovación audiovisual en Iberseries

A Deputación da Coruña e Pedralonga Estudos presentaron Coruña Estudo Inmerivo (CEI) este xoves no marco de Iberseries, que se celebra do 30 de setembro ao 3 de outubro en Matadoiro Madrid. "É un dos estudios virtuais tecnoloxicamente máis avanzados de Europa", destacaron.

Segundo informa o ente provincial, baixo o título 'Innovación e eficiencia: descobre o futuro da produción de contidos', o encontro contou coa participación da deputada de Emprego, Medio Ambiente e Política Demográfica, Rosa Ana García.

Tamén do subdirector de Comunicación Audiovisual do Ministerio para a Transformación Dixital e da Función Pública, Miguel Ovejero; o presidente do Clúster Audiovisual Galego, Alfonso Branco, e o director xeral de Pedralonga Estudos, José Manuel Deus.

Así mesmo, asistiron máis de medio centenar de profesionais do sector audiovisual español, así como produtores de Francia, Alemaña, Estados Unidos e Portugal, ademais de prensa especializada internacional.

Para Rosa Ana García, o CEI é un modelo de colaboración público- privado que sitúa A Coruña "á vangarda da nova xeración de rodaxes inmersivas en Europa e que representa, ademais, unha gran aposta por un sector estratéxico para Galicia como é o audiovisual".

A Deputación da Coruña e Pedralonga Estudos presentan Coruña Estudo Inmerivo (CEI) no marco de Iberseries, que se celebra do 30 de setembro ao 3 de outubro en Matadoiro Madrid.. DEPUTACIÓN DA CORUÑA | Fonte: Europa Press