As obras gañadoras dos Premios Xerais 2025 estarán á venda en librarías a partir deste xoves
Por Europa Press / Redacción | SANTIAGO DE COMPOSTELA | 02/10/2025 | Actualizada ás 10:46
As obras gañadoras dos Premios Xerais 2025 ('Mulleres que viven xuntas', 'Erin e o lobo' e 'O corvo sobre a neve') estarán á venda en librarías a partir deste xoves, 2 de outubro. Segundo trasladou a Editorial Xerais nun comunicado, o acto de entrega dos premios celebrarase o 11 de outubro no Museo do Mar de Galicia, en Vigo. A presentación conxunta das obras terá lugar o 15 de outubro na libraría Pedreira en Santiago de Compostela ás 19.00 horas.
En concreto, será recoñecida a autora de 'Mulleres que viven xuntas', Abril Camino, co Premio Xerais de Novela, segundo destacou a editorial, por unha obra que "interpela aos lectores" para "reflexionar sobre as repercusións da orientación sexual" e sobre "as enormes dificultades durante a represión franquista".
Así mesmo, tamén foi premiada a autora de 'Erin e o Lobo', Érica Esmorís, co Premio Merlín de Literatura Infantil (na súa 40ª edición), as palabras da editorial, por unha novela "emotiva e intensa" que trata temas como a "comuñón coa natureza", a "crianza", a "autoestima", as "segundas oportunidades" e o "poder absoluto do amor".
E a autora de 'O corvo sobre a neve', Andrea Maceiras, recibirá o Premio Jules Verne de Literatura Xuvenil, segundo recalcou a editorial, por un libro "a medio camiño" entre "fantasía, ficción científica" e "novela distópica" coa "IA como protagonista" para abarcar temas como o "cambio climático" a "inxustiza social" ou a "emigración".
