Por Galicia Confidencial | Ourense | 25/01/2017 | Actualizada ás 11:05
As primeiras probas con carbono 14 datan a necrópole nos primeiros anos do século XII e xunto cos restos humanos e funerarios atopouse unha especie de carné que os acredita como membros dunha antiga orde masónica coñecida como “Os da boina”.
necropoleEstudos preliminares indican que podería ser a necrópole da mítica cidade de Auria habitada totalmente por traballadores da Deputación de Ourense e que desaparecera dos libros de historia sen deixar rastro coa chegada do renacemento. Segundo o rastro deste descubrimento os historiadores agardan atopar o palacio do antigo presidente feudo-medieval da Deputación e dar así coa súa casa na que se agarda atopar toda unha colección de carros de bois e carros de cabalos antigos xunto cunha lexendaria unha colección de cadros e obras de arte dos máis recoñecidos artistas da idade media.
As catas indican que a necrópole ocupa unha extensión de catro kilómetros cadrados sendo unha das máis grandes do mundo naquela época e podería albergar o corpo duns vinte mil conserxes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.