De cando Feijóo presumía de que o mellor sitio para parir era a sanidade pública

Feijóo (septiembre 2016):
"El mejor sitio para parir son los hospitales públicos".
Febrero 2017: El hijo de Feijóo nace en hospital privado. pic.twitter.com/I24ZLMcSVO

Feijóo e Rajoy coas súas parellas | Fonte: EP

— Juan Miguel Garrido (@Juanmi_News) 15 febreiro 2017

O portavoz parlamentario de En Marea, Luís Villares, afeou este mércores ao presidente da Xunta, Alberto Núñez Feijoo, que recorrese a un hospital privado para que a súa compañeira dese a luz ao seu fillo, na Coruña.

Durante unha visita a Lugo, Villares lembrou que o propio mandatario dixera "nun medio de comunicación" que tería ao seu fillo "nun centro público". "Pero que Feijóo falte á súa palabra é algo que non nos sorprende", subliñou.

"É algo ao que nos ten adoitados", incidiu, para facer alusión así a que "tamén o AVE ía chegar en 2018" e a que "tamén a AP-9 ía ser galega". "En fin, unha mentira máis non é algo que nos sorprenda", resolveu.

Reacción do BNG

Tamén a través de Twitter tivo unha reacción similar o BNG, que parafraseou, a modo de crítica, ao mandatario autonómico na mesma intervención á que se refería Villares. "Iso era en campaña (que o mellor sitio para dar a luz son os hospitais públicos), agora Feijóo prefire a privada?", apunta na súa conta nesa Rede.

"O mellor sitio para parir son os hospitais públicos". https://t.co/NGLQLOCRPe Iso era en campaña, agora Feijóo prefire a privada 😉

— BNG (@obloque) 15 febreiro 2017

As manifestacións realizadas polo portavoz parlamentario de En Marea foron censuradas por dirixentes populares, como o secretario xeral galego, Miguel Tellado, e a deputada autonómica Paula Prado.

Resposta de Tellado

"Lamentable @VillaresLuis con machismo repugnante sobre que o home debe impor á muller onde dar a luz e sen respectar nada", recriminoulle Tellado.

"Penoso @villaresluis non se lle ocorre nada mellor que dicirlle a unha muller onde debe dar a luz e facer partidismo con quen non está en política", reprochou, pola súa banda, Paula Prado.

A contorna do presidente bota balóns fóra

Segundo a Ser, fontes próximas ao presidente dixeron aos medios que acoderon a esta clínica porque alí traballa o xinecólogo de Eva Cárdenas. O embarazo, debido a súa idade, estaba declarado de risco.