Feijóo critica a Martiño Noriega por apoiar as manifestacións a favor dos okupas

A manifestación contra o peche do local de Escárnio e Maldizer en Santiago aínda segue dando que falar. Este mesmo mércores, unha semana despois da operación policial que acabou selando este centro do casco vello compostelán e dos disturbios e cargas policias nunha manifestación posterior, Feijóo volveu acusar ao rexedor da capital galega de ser “tibio e ambigüo” por apoiar a este colectivo.

Incidentes na manifestación polo desaloxo da okupa Escarnio e Malidez | Fonte: galizacontrainfo

Preguntado pola Voz de Galicia sobre a nova manifestación de apoio ao colectivo okupa que terá lugar esta fin de semana, o presidenta da Xunta cargou contra Noriega. “Hai que rematar coa tibieza e que se diga que Santiago está en contra destas manifestacións”, respondeu Feijóo.  “A xente está en contra destas manifestacións e de que se agredan a funcionarios”, engadiu. 

O xefe do Executivo galego volveu insistir nos argumentos esgrimidos hai días, cando dixo que el estaba de parte das forzas de seguridade. “Os policías fixeron o que o xuíz mandou”, dixo ao suliñar que o que fixeron, ao pechar un local social, foi “en cumprimento dunha orde xudicial”. “E se fan o que un xuíz manda non poden ser maltratados e agredidos”, engadiu.

Neste sentido, volveu criticar a Noriega pola súa “tibieza”. “Ante situacións así non pode haber guiños de comprensión cos que agreden aos demais porque é un menoprezo ao traballo dos funcionarios públicos”, concluíu.