En Pontevedra haberá touros malia 100.000 firmas en contra
O Concello, oposto en teoría as touradas, non pode prohibir a lidia pero apoia á empresa propietaria da praza mediante un convenio de colaboración para alugar o recinto noutros eventos.
Por E.P. | SANTIAGO DE COMPOSTELA | 02/07/2017 | Actualizada ás 16:53
Un total de 103.000 persoas subscribiron a petición da plataforma Change.org en contra da feira taurina de Pontevedra, única cidade galega con praza de touros.
As asociacións animalistas Libera e Galica, Mellor Sen Touradas axuntan esforzos para acabar coa tauromaquía en Pontevedra, como xa ocorreu na Coruña ou en municipios como Sarria (Lugo) e Padrón (A Coruña).
Os colectivos abolicionistas, tal e como sinalaron nun comunicado, reclaman a supresión das axudas públicas xa que, aseguran, "A Coruña e Pontevedra malgastaron decenas de miles de euros" nesta actividade a través das deputacións provinciais.
En calquera caso, Pontevedra converteuse nun "obxectivo a bater" para as asociacións animalistas, que buscan agora un cambio lexislativo que permita que sexan os municipios os que poidan autorizar ou non un evento tauromáquico.
