Miguel Ucles, as verdades dun bombeiro que estivo nos peores lumes: “Menten descaradamente”

É o presidente da Plataforma de Bombeiros Públicos de Galicia. Estivo todo o domingo dun lado cara a outro no sur de Pontevedra para tentar facer fronte ás lapas nos peores incendios, os de situación 2. Viviu tensión, terror, medo, indefensión... pero sobre todo, moita solidariedade. A de centos de veciños que saíron a axudalos cando máis o precisaban. Sobre a coordinación, os medios e os efectivos dos que fala a Xunta é contundente: “Menten descaradamente”. E sabe do que fala. Estivo loitando contra os lumes durante 24 horas.

Por Xurxo Salgado | Vigo | 17/10/2017 | Actualizada ás 14:38

Comparte esta noticia

Fixémolo sen as institucións, sen poderes que nos coordinaran, como se fora hai 30 anos. Non houbo planificación e non tivemos capacidade real de dar todo o que podíamos”, asegura nesta entrevista na que critica que non existe unha “estrutura seria de coordinación.

Bombeiro en Vigo colabora na extinción dos lumes na cidade, en plena onda de incendios en Galicia a mediados de outubro de 2017
Bombeiro en Vigo colabora na extinción dos lumes na cidade, en plena onda de incendios en Galicia a mediados de outubro de 2017 | Fonte: Miguel Núñez.

“Menten descaradamente. Cando facía falta xente non había xente”, engade. "Nin estaba a UME nin ao resto dos profesionais dos que falan. Eu nos montes do entorno de Vigo só atopei un cuadrilla de oito peóns e varios axentes forestais. Iso durante todo o domingo na área metropolitana de Vigo e mesmo fóra dela".

Ademais, suliña que non hai tampouco unha política forestal clara. “O monte galego é un desastre ecolóxico e iso é un problema dos gobernantes por non saber ordenalo. É facil botarlle a culpa aos incendiarios, pero o que hai é que dar solucións”, aclara.

Pero para Miguel o máis importante foi a reacción da xente que se botou á rúa para axudar. “Temos un pobo que cando hai que reccionar é todo colaboración e honestidade. Damos grazas á xente. A todos eles.

Supoño que son os días máis duros como bombeiro da túa vida, non?

Miguel Ucles, presidente da Asociación de Bombeiros Públicos de Galicia
Miguel Ucles, presidente da Asociación de Bombeiros Públicos de Galicia

Como bombeiro foi unha situación límite. Eramos moi poucos a traballar, sen capacidade de reacción e foi grazas aos veciños  que poidemos traballar. Pero fixémolo sen as institucións, sen poderes que nos coordinaran, como se fora hai 30 anos. Non houbo planificación e non tivemos capacidade real de dar todo o que podíamos porque, por exemplo, a miña dotación tardou catro horas en atopar a outra dotación forestal e, cando nos atopamos con eles, estaban sen auga. Profesionalmente é imposible tragballar así.

E cal é a sensación que tes logo de loitar case dous días seguidos contra os lumes?

Pois que se pode facer moito mellor. Levamos denunciando hai tempo que non hai estrutura seria de coordinación e que se politizou as emerxencias. E isto fai que, cando acontencen estas traxedias, pois se repeita sempre o mesmo caos. Por iso é polo que non estamos dando solucións aos cidadáns.

Ti foches un dos que estivo ns puntos quentes da área metropolitana de Vigo, onde había perigo severo para as persoas. Como foi a intervención neses lugares?

Cando comecei a traballar no Monte Galiñeiro e en Zamáns fomos quen de controlar a situación nun primeiro momento, pero logo vimos tamén que o lume corría de xeito impresionante para o monte Alba e tentabamos poñernos en contacto co 112. Pero durante horas foi imposible coordinarnos. E por iso fixemos o traballo sós. Logo desprazamonos a Chandebrito, en Nigrán. Aquilo era dantesco, coma un inferno. A zona illada e sen poder entrar. Os veciños estaban rodeados por lume e só había policías nacionais tentando axudalos. O que tentei entón foi buscar vías seguras pero era moi difícil pola intensidade do incendio. Só puidemos evacuar no meu coche e no da Policía a varias persoas. Cando quixemos volver, xa non puidemos. Tivemos que agardar unha hora. Foi entón cando os veciños comezaron a dicir que faltaba un coche. Comezamos a buscalo e foi cando dimos coa furgoneta queimada.  Iso se podía solucionar se a Xunta puxera motobombas sen saír do núcelo da poboación. No momento aquilo era un forno e a situación dantesca. A xente maior pasouno mal co fume.  Logo desprazámonos a Valadares, en Vigo. Vivimos situacións de moito pańico, con bulos, e non dabamos abasto, indo dun sitio a outro. Durante todas as horas de servizo as dotacións estivemos traballo sen descanso.

As 24 horas?

Si e nalgúns casos mesmo case 40 horas. Os que saíron da garda continuaron e deron todo o que tiñan.

Fálase moito de incendiarios, de terroristas do lume, de grupos organizados. A túa experiencia que che di?

A min o que me di é que non se pode botar a culpa a unha situación concreta cando non hai prevención, nin xestión mediambiental, nin capacidade profesional. Non podes ter o monte como se fora gasolina e logo culpar a quen bota o cigarro. O monte galego é un desastre ecolóxico e iso é un problema dos gobernantes por non saber ordenalo. É facil botarlle a culpa aos incendiarios, pero o que hai é que dar solucións. Por iso, os profesionais pedimos que se nos escoite. 

Entón cal cres que son as razóns do que está pasando?

Pois estamos de costas ao monte. Tanto monocultivo de especies que non son autóctonas e que teñen unha capacidade de lume brutal, pois fan moito dano. A xestión de Emerxencias non é real porque non se poden contar cos voluntarios en momentos claves. E nesta crise viuse. A cidadanía ten vontade, pero para traballar a diario precisas xente preparada. E se temos montes abandonados e con especies perigosisimas e sen medios, pois pasa o que pasa.

Un punto ao que a Xunta nin o Goberno central queren chegar é o da coordinación. Insisten nos medios. Case 6.000 efectivos, moitos medios aéreos e, sobre todo, a UME a que non cansan de felicitar. E iso chega ou é para tapar outras cousas?

Menten descaradamente. Cando facía falta xente non había xente. Dicían que virían ás cinco da mañá os da UME. Eu estaba traballando aínda e xa non facían falla. Están mentindo. Non é verdade. Eu traballei alí e eu non atopei a todos eses profesionais dos que falan. 

A UME tampouco?

Nin a UME nin ao resto dos profesionais dos que falan. Eu nos montes do entorno de Vigo só atopei un cuadrilla de oito peóns e varios axentes forestais. Iso durante todo o domingo na área metropolitana de Vigo e mesmo fóra, na zona de Pazos de Borbén. Os datos non son reais. Son sacados de manual para pasar o momento.

Din que había bombeiros doutras partes do Estado que querían vir botar unha man...

Si. Moitos compañeiros querendo vir. Pero como non hai coordinación pois non foi posible. Había xente de Sevilla, de Madrid, de Cataluña, de Valencia. Incríble. Todos dispostos a vir pero non podes traelos e chegar aquí e sexa todo un descontrol.

E ti cres que se aprenderá disto?

Non, porque vai volver pasar outra catástrofe. Levamos denunciando meses, anos. Ourense leva ardendo todo o verán e seguen culpando a catro e non se cambia o modelo de xestión e de emerxencias e de prevención. Aí está a triungalación necesaria para cambiar todo o sistema.

Es moi crítio cos poderes públicos. E da xente, que mes dis?

Temos un pobo que cando hai que reccionar é todo colaboración e honestidade. Damos grazas á xente. A todos eles. Tratáronnos cun respecto e cariño incríble. A mellor xente para traballar. E non é para quedar ben.

E, a patir de agora?

Nós imos seguir estando aquí. E temos a responsabilidade social de seguir garantindo a seguridade dos cidadańs e do medio ambiente. Así que seguiremos onde sempre estivemos, que é loitando, para que así sexa.

Pois que así sexa. 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 49 comentarios

16 Castelao

Eximes de culpa os incendiarios?

15 Vijo

Por lo aseado y bien peinado que sale no parece que haya trabajado mucho apagando fuegos.

1 ZZZ

Como podes facer un comentario tan cínico? A túa pretende descalificar a alguén que estivo alí e que sabe o que hai. Pero non o fai. Retrátaste ti e os teus

2 Afectado

Tu criticas por vicio no?

3 cosita

Ya te vale !!!!! Se nota que tu casa no se quemo...

4 Rosiña

No monte Galiñeiro apareceron os bombeiros de Peinador o domingo as 8 da tarde cando levaban os veciños dende a madrugada tentando salvar as suas casas. Cerca de 24 h despois. Normal q o lume chegara o Cuvi e mais alá tendo en conta o sistema de prevención que temos

14 una cosita2

No, no quise decir esquizofrénico, quise decir lo que dije...psicópata. Un esquizofrénico es una persona que tiene un transtorno mental crónico y un psicópata es una persona que tiene un transtorno antisocial de la personalidad. Y doy gracias a Dios por estar en un pais democratico porque si muchos descerebrados saliesen impugnes por sus delitos nos quedariamos perplejos cuanta maldad nos rodea....

13 Yolanda

Se deixasen ir o monte a por piñas e a recoller as ramas que caen o Chan coma antaño isto non sería tan dantesco pero e que ahora so se pode ir a pasear non podés facer na de a porque te multan antaño habia menos medios e isto non pasaba

12 Una cosita

Una cosita......porque en este pais cuando pasa una catastofre de este calibre, tienen la culpa los politicos???? Alguien se percató de que entre nosotros hay mucho psicópata??

1 DJ can de palleiro

Los políticos son gestores de la administración pública. La administración pública es eso que pagamos entre todos y que concentra recursos y servicios para beneficio de todos reduciendo costes que de hacerse de forma individual serían mucho más altos. Si la máquina de la administración no funciona, los responsables máximos son los que DEBEN gestionarla que para eso se les vota y tienen unos buenos salarios. Si no les compensa pueden dimitir y dejar gestionar a gente más capaz. Lo de psicópata supongo que querrías referirte a esquizofrénico, que no es lo mismo.

2 Un emigrante Galego

Sí, un sicópata foi o causante do descarrilamento de Angrois, un sicópata foi o causante dos vertidos do prestige e do mar ejeo, e neste caso tamén é todo culpa de sicópatas. Non ten que ver nunca con redución de costes, con tomas de decisións erróneas nin con falta de planificación e prevención a pesares de que os expertos pidan dende hai anos cambios. Eu non estou moi metido no mundillo e, ainda así, xa hai ó menos 5 anos que sei da petición do cambio na xestión das emerxencia en Galicia e tamén hai anos que sei que piden cambios no modelo de xestión forestal.. Este mes tivemos a confirmación do caso que fixeron os políticos.