A Plataforma en Defensa da Ría de Arousa pide a clausura dos verquidos da Illa de Sálvora
A PDRA lembrou que levan “mes e medio esperando” para ter unha reunión co delegado do Goberno.
Por Europa Press / Redacción | PONTEVEDRA | 30/06/2025 | Actualizada ás 16:37
Confrarías e outros colectivos, ademais da Plataforma en Defensa da Ría de Arousa, reclaman clausurar "xa" o punto de verteduras de áridos procedentes de dragados na zona da Illa de Sálvora. En concreto, entre os varios puntos alternativos propostos, a plataforma opta por un deles --a denominada zona A-- para que se declare como punto de vertedura.
O seu portavoz, Xaquín Rubido, advirte que a alternativa seleccionada polo momento supón estar "nas mesmas" que co punto actual, e non queren "repetir a historia". Por iso, baséanse en datos oficiais para solicitar que se clausure "xa" o punto de Sálvora e advirten de que o alternativo elixido por agora responde a un argumento "moi pobre", que é "a distancia ao porto de Vilagarcía".
"Nós optamos pola zona A, fóra de zonas protexidas, un punto profundo, fóra das canles de navegación e cunha afectación mínima", destaca. Neste escenario, a plataforma lembrou que levan "mes e medio esperando" para manter unha reunión co delegado do Goberno en Galicia, Pedro Blanco, sobre este asunto. Polo demais, a súa postura xa a trasladaron ao Ministerio para a Transición Ecolóxica. Nun terceiro apartado, instan a este ministerio a "que se opte prioritariamente por inmobilizar os dragados portuarios que posúan contaminantes persistentes que poidan introducirse e acumularse na cadea trófica".
