Por Galicia Confidencial | A Coruña | 09/01/2018 | Actualizada ás 10:00
O prezo da vivenda en Galicia creceu un 10% no cuarto trimestre de 2017 con respecto ao mesmo período no ano anterior. Unha suba que quintuplica a do estado, que foi dun 2%. O prezo medio do metro cadrado sitúase en 1.106 euros. Tamén creceu o número de transaccións de compravenda durante o trimestre anterior, que foi de 4.088, un 12% máis que no mesmo período de 2016. Estes son algúns dos datos quedo Informe de Vivenda de Gesvalt.
Por provincias, á cabeza atópase Pontevedra, cun prezo medio de 1.242 euros por metro cadrado e un crecemento interanual de 18,9%. Séguelle A Coruña, 1.114 euros/m2 (11,6%). Pola contra, o prezo do metro cadrado está máis baixo en Lugo, 884 euros/m2 (6,1%) e Ourense, 995 euros/m2 (1,1%).
No resto de comunidades, o prezo da vivenda incrementouse por encima do 5% interanual en Madrid (7%), Andalucía (6%), Cataluña (8%), Murcia (9%) e Castela León (10%). Pola contra, este experimentou lixeiras caídas en Cantabria (-5%) e Rioxa (-2%). Só en Aragón (0%), Baleares (-1%) e País Vasco (-1%) mantívose practicamente estable.
ALUGUEIROS
O aluguer, pola súa banda, mantense á alza, alcanzando un incremento medio dun 10% en España con respecto ao ano anterior. En liñas xerais, as cotas mensuais son moi superiores con respecto a anos anteriores. No caso concreto de Galicia, o aluguer máis elevado rexístrase en Pontevedra (7,07 euros/m2), seguido de Coruña (5,63 euros/m2). Os arrendamentos máis alcanzables atópanse en Ourense (4,95 euros/m2) e Lugo (5 euros/m2).
SEGUNDA MAN
Uns datos que corrobora tamén o informe anual de prezos de venda de www.pisos.com. Segundo este estudo, a vivenda de segunda man en Galicia en decembro de 2017 tivo un prezo medio de 1.586 euros por metro cadrado. Esta cifra rexistrou un ascenso da 0,13% fronte ao mes de novembro. Interanualmente, produciuse unha suba do 5,95%, a terceira máis marcada do estado. Semestralmente, creceu un 5,66%. Tratouse da segunda subida nacional máis pronunciada. Trimestralmente, repuntou un 0,70%.
Así, Galicia tería sido a sétima autonomía máis cara de España, por detrás do País Vasco (2.599 euros/m²), entre outras. En canto á vivenda de segunda man en España, en decembro de 2017 rexistrou un prezo medio de 1.571 euros por metro cadrado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.