Recomendacións para evitar o sensacionalismo de certos medios no caso da morte do neno Gabriel

O Colexio de Xornalistas lembra a necesidade de respectar as recomendacións deontolóxicas e denuncia que se fale de nacionalidades ou de características étnicas para denigrar a persoas.

Por Galicia Confidencial | Compostela | 13/03/2018 | Actualizada ás 20:35

Comparte esta noticia

Fronte ao sensacionalismo, deontoloxía profesional. Esa é a receita do Colexio de Xornalistas ante o tratamento informativo que se lle está a dar por parte de moitos medios de comunicación ao caso do neno Gabriel, tristemente falecido. Por iso, insiste en lembrar as recomendacións relativas a casos de traxedias que afecten a menores, e chamar ao conxunto da profesión galega a tratar con coidado e respecto este tipo de informacións.

Montaxe contra o sensacionalismo
Montaxe contra o sensacionalismo | Fonte: ahorainformacion.com

“É importante que os e as xornalistas sigan este tipo de recomendacións para facer un tratamento informativo profesional, responsábel e xusto, que non caia na espectacularización, respecte a intimidade das vítimas e persoas afectadas, sen engadir máis dor á dor, e evite a aparición de mensaxes socialmente irresponsábeis”, apunta nun comunicado.

Neste sentido, lembra tamén que as persoas acusadas dun feito delictivo non teñen suspendidos os dereitos que recoñece o Código Deontolóxico do Xornalismo Galego para toda a cidadanía. “A proliferación de especulacións, a obtención de imaxes de maneira dubidosa ou a inclusión de características étnicas ou de nacionalidade irrelevantes non son compatíbeis co bo xornalismo”, asegura.

O Colexio de Xornalistas tenpublicado varias recomendacións que son de utilidade para un caso como este, como as Recomendacións sobre o tratamento nos medios dos casos de violencia que afecten a menores, a Guía práctica para o tratamento informativo de emerxencias, catástrofes e persoas desaparecidas ou a Guía práctica para o tratamento informativo sobre menores.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Colexio de Censores

Home mata muller -> xornalistas falan de violencia “de xénero”, crime machista, etc., todo sen esperar a investigación policial e moito menos a sentenza xudicial. O Colexio de Xornalistas cala. Muller negra inmigrante mata neno -> como a ASASINA CONFESA pertence a colectivos “especiais”, o Colexio de Xornalistas pide todo tipo de prudencias e precaucións.