Dimite Angel Espadas tras ser detido conducindo bébedo

O candidato do PP á Alcaldía de Santiago, Gerardo Conde Roa, anunciou a dimisión de Ángel Espadas como concelleiro tras ser detido por conducir bébedo.

Por Galicia Confidencial | Santiago | 14/03/2011 | Actualizada ás 10:45

"Un error humano no desmerece toda una trayectoria política brillante como la de Ángel Espadas", dixo Conde Roa do concelleiro popular e aclarou "si en la vida de todos existen sombras, es porque hay luz y esa luz ha brillado de una manera muy especial a lo largo de la presente legislatura con el trabajo ejemplar" de Espadas.

Con todo, e a pesar deste "trabajo ejemplar", o xa ex concelleiro tampouco concurrirá nas listas do PP á Alcaldía de Santiago, onde concurría no 3º posto. Unha decisión que ten que ver coa súa detención, esta fin de semana, cando se atopaba durmido, co coche encendido, nun semáforo ás aforas de Santiago.

"Habla pastosa"

Segundo informa a Cadena Ser, foi a Garda Civil quen acudiu a "espertalo" logo de comprobar que se atopaba durmido nunha glorieta de acceso a cidade de Santiago. O atestado asegura que, unha vez que se lle require que baixe do coche "su habla era pastosa, presentaba fuerte olor a alcohol y al bajarse del vehículo se le observaba una deambulación vacilante".

Eran as 06.45 do pasado 12 de marzo. Logo de facerlle a proba de alcol, o concelleiro deu un tasa de 0,79 mgrs de alcol en sangue, o triple do permitido. A Garda Civil comunicoulle o feito a Policía Local que, pouco despois, volvía repetir a proba cun resultado de 0,74.

Xuízo rápido este martes

Ángel Espadas que concurre como número tres nas listas do PP de Santiago as próximas municipais deberá presentarse este martes nos xulgados de Santiago para facer fronte a un xuízo rápido por un presunto delito de Seguridad Vial.

Tanto o PP de Santiago, como o propio Espadas, foron moi críticos co chamado "botellón" na capital galega e realizaron varias campañas para evitar o consumo do alcol por parte dos mozos. O propio Espadas inflitrouse no último macrobotellón celebrado no Campillo con motivo do inicio do curso universitario, para denunciar o consumo de alcol e doutras substancias. Podes ver o atestado aquí.

Noticias relacionadas

11 saña

Claro os do PP non recoñecen os semaforos en vermello, e asi lles vai.

10 jroña q jroña

Debe dimitir, pero tamén hai que depurar responsabilidades na policía local de Santiago, que é moi pouco profesional que se filtren atestados.

9 faneca brava

non pasa nada machiño,a tarde vas confesar e preparado outra ves para volcer a pecar.

8 CranioF

"Fai o que che eu digo e non fagas o que eu fago". No concello de Siero (Asturies), o alcalde, do PSOE, tamén foi pillado borrachiño ao volante. Dimitíu de inmediato. É o que esperamos tamén deste paxariño, ou non?. Ese PP, a ver se fai un pouco de limpa, que entre cen mil militantes ten que haber moita caca.

1 Manolo2

Hizo bien, solo que te faltan dos agravantes que tenía el alcalde socialista: iba borracho en el coche oficial y encima tuvo un accidente como consecuencia de conducir en tal estado. En cualquier caso, vuelvo a lo mismo. Político pillado borracho conduciendo, cese inmediato.