Vídeo: Queiman a foto do rei español Felipe VI ao berro de "lume" e "viva Galiza ceive"
Agora Galiza reclamou a rutura do “réxime do 78” e un “bloco popular antifascista” nos actos do Día da Pátria.
Por Galicia Confidencial | Santiago de Compostela | 25/07/2018 | Actualizada ás 21:43
Os actos convocados pola formación independentista Agora Galiza remataron coa queima dunha foto –tamaño natural-- do monarca español Felipe VI e baixo os berros de "lume" e "viva Galiza ceive". Esta plataforma foi a única do arco nacionalista-independentista que foi máis alá nas súas reclamacións por unha “Galiza livre e soberana”, a diferencia do acontecido na outra manifestación independentista de Causa Galiza, ou mesmo a do BNG, na que a súa líder, Ana Pontón, mesmo evitou falar de independencia.
É o segundo ano no que Agora Galiza conmemora o Dia da Pátria cun acto político. “Frente à processom do autonomismo, e as diversas competências da esquerda pseudoruturista, Agora Galiza defendeu a alternativa revolucionária do independentismo socialista e feminista galego”, sinala esta formación.
De feito, nesta manifestación tamén se leron saúdos de partidosde Andalucia, Brasil, Chile, Equador, País Basco, Paraguai, Portugal, da República Dominicana, Venezuela, o Estado español e do MIC [Manifesto Internacionalista de Compostela].
O ato político foi aberto por Paulo Vila que defendeu unha estratexia de “luita obreira e popular”, como a única via para conquistar o futuro, “frentre o eleitoralismo e parlamentariamo” de formacións como o BNG ou En Marea.
Finalmente, Carlos Morais, manifestou que, “frente à deriva reacionária do regime é necessário levantar um bloco popular antifascista”. O acto rematou coa queima da foto do monarca español e un xantar de confraternización en Bonaval.
