Investigan unha empresa de Cerceda por unha vertedura ao río Acebedo pola que morreron decenas de troitas

A Patrulla de Protección á Natureza da Garda Civil con base en Arteixo (A Coruña) investigou a unha empresa situada no polígono de Acebedo, en Cerceda, en relación a unha vertedura ao río, o 4 de setembro, que provocou a morte dunhas 150 troitas.

A Garda Civil informou que a empresa foi investigada como suposta responsable dun delito relativo á protección da flora e a fauna, pola vertedura de sustancias tóxicas ao río Acebedo, que tería provocado a mortaldade de numerosas troitas de distintos tamaños.

As dilixencias sobre o asunto xa foron remitidas ao Xulgado de Garda de Ordes (A Coruña).