Por X.M. Fernández | Vilamartín de Valdeorras | 10/10/2018 | Actualizada ás 10:20
O Consello Regulador desembarca en Donostia con 21 adegas valdeorresas e 52 referencias distintas dos seus mellores caldos. Será a cuarta vez que acode a este evento que este ano celebra o seu vixésimo aniversario e cun cartel de luxo en canto a chefs se refire. Estarán presentes, entre outros cociñeiros de contrastado prestixio, Juan Mari Arzak, Martín Berasategui, Pedro Subijana, Joan Roca, Carme Ruscalleda, Quique Dacosta.
O Presidente da D.O. Valdeorras, José Luis García Pando, destaca que das 21 adegas presentes no San Sebastian Gastronomika case a metade están amparadas polo selo do Consello, unha cifra moi relevante que evidencia o poder de convocatoria e nivel deste encontro. Segundo sinala García Pando, “alí estaremos cun stand propio e cos obxectivos inmediatos de asentar o coñecemento dos viños valdeorreses no norte de España”. Segundo datos do Consello Regulador, Madrid e o norte do Estado son as zonas nas que máis presenza teñen os viños de Valdeorras co cal a prioridade para este organismo é manter a presenza e fortalecer a marca nestes territorios.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.