14 adegas da D.O. Valdeorras presentes no 'Salón Gourmets'
Este prestixioso foro de alimentación e bebidas de calidade desenvolverase en Madrid entre o 22 e o 25 de abril.
Por Galicia Confidencial | Vilamartín de Valdeorras | 21/04/2024 | Actualizada ás 10:00
A vindeira parada promocional dos viños valdeorreses terá lugar na capital de España, en Madrid, en concreto no Salón Gourmets. Un foro especializado en alimentación e bebidas de calidade que dará comezo o vindeiro luns e rematará o xoves, 25 de abril. “No marco deste espazo, 14 adegas da nosa Denominación de Orixe darán a coñecer os seus brancos e tintos”, destaca José Ramón Rodríguez Castellanos, presidente do Consello Regulador da Denominación de Orixe Valdeorras.
“Unha oportunidade máis para divulgar, sobre todo, que o noso territorio amparado é o berce orixinario do godello posto que todos os brancos que poderán degustarse en Gourmets 2024 procedentes de Valdeorras son monovarietais elaborados a partir deste tipo de uva”, engade tamén Castellanos.
As adegas presentes neste evento darán a coñecer en Gourmets 202426 referencias de Valdeorras (17 brancas e nove tintas). Será no stand 6B30 do recinto feiral do Ifema.
