Activo un incendio forestal no concello da Mezquita

A Consellería do Medio Rural informa dun lume forestal activo no concello ourensán da Mezquita, parroquia de Castromil, que segundo as primeiras estimacións afecta unha superficie dunhas 20 hectáreas.

O incendio comezou ás 14,33 h. con varios focos simultáneos e nel traballan 4 axentes, 3 brigadas, 2 avións e 1 helicóptero.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, toda a información actualizada sobre incendios forestais poderá ser consultada na conta aberta de twitter: @incendios085.