Por E.P. | SANTIAGO DE COMPOSTELA | 06/06/2019 | Actualizada ás 18:21
Un total de 250 axentes da Policía Autonómica patrullará os montes galegos este verán para previr e investigar os incendios forestais na campaña de alto risco.
No plan de loita contra o lume (Pladiga) a Policía Autonómica conta cunha planificación global do traballo, que pasa por servir de disuasión para reducir o número de lumes, buscar a detención e imputación de autores, así como controlar a posible actividade incendiaria, entre outras.
No Consello da Xunta abordouse este dispositivo, no que os axentes contarán con 61 todoterreos, 33 turismos camuflados e oito motos de montaña.
O presidente da Xunta, Alberto Núñez Feijóo, destacou na rolda de prensa tras o Consello que este ano se incrementan os recursos nun sete por cento, cunha renovación no parque móbil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.