Desde moi pequeno o meu pai de forma recorrente contábame como comezara a traballar -sendo menor de idade- na famosa imprenta Roel da rúa Velázquez Moreno.
"Viu que se podía resistir na actividade galeguista desde o ámbito cultural", salienta o titular de Política Lingüística, Valentín García.
A Lei do Patrimonio Cultural de Galicia do 4 de maio de 2016 dedícalle algúns artigos á protección dos camiños ou vieiros de valor cultural que cruzan a nosa xeografía. Todos eles foron estudados por diversos autores e autoras.
Freixanes destaca as facetas do "inventor das Letras Galegas", ao que atribúe "a recuperación de Cunqueiro" para a literatura galega
O primeiro capítuclo céntrase na infancia do intelectual en Lourenzá
As memorias do histórico galeguista ofrecen unha aproximación á creación do estatuto de Galicia
Confeso que dos xéneros literarios do que máis gusto é o das memorias. Nelas sempre hai informacións que transcenden o relato anecdótico porque definen con nidieza a personalidade das autoras e autores. Hai feitos históricos que non se entenden se non é coa axuda destas peculiares narracións. Relatos que pasan desaparecibidos para a grandilocuencia coa que se escribe a historia, pero fundamentais na súa construción.
Pesar no mundo da cultura pola morte do poeta, escritor e académico.
Cabeza de León foi tamén secretario da Real Sociedade Económica de Amigos do País e membro fundador da Real Academia Galega.
Dous libros de Xerais e Galaxia abordan ao homenaxeado no Día das Letras de 2023.
O conselleiro de Cultura, Educación, FP e Universidades, Román Rodríguez participou este sábado en Lourenzá no acto de apertura das celebracións das Letras Galegas 2023, coincidindo co 110º aniversario do seu nacemento.
A Comunidade Galega de Cataluña levou a escena o seu espectáculo “Unha Xeración. Dous Mundos” o pasado 10 de decembro. Entre as autoridades presentes no acto estaban o Presidente da Xunta, Alfonso Rueda, e o presidente da Deputación de Lugo, José Tomé Roca.
Perfecto Conde (Xinzo-A Pontenova) é un referente do xornalismo de investigación dentro dos medios españois. Varios dos seus traballos tiveron pegada en diferentes áreas, desde La Gran Enciclopedia Gallega ás investigacións en Interviú, El País e o seu paso por TVE, Teima, Chan e outros medios. Ademais diso, recolleu durante os seus anos de exercicio "oficial" unha das axendas máis interesantes que calquera profesional dos medios querería ter. Esta é unha conversa sobre estes e outros puntos destacados do seu percorrido profesional, mesmo a investigación sobre o narcotráfico.
Hai case dous anos nacía en Melide, no centro de Galicia como dixeron daquela, o Partido Galego. Un número importante dos seus cadros saíran de Compromiso por Galicia ante a "deriva socialdemócrata" do partido. Xosé Mosquera, presidente da nova formación reivindica os principios do Partido Galeguista para un partido "aberto". Nestes momentos están inmersos tanto na formación de agrupacións como en conversas con outras formacións políticas, sobre todo locais, para a creación de listas de cara as eleccións locais de 2023.
Ramón Piñeiro, Carlos Casares e Benjamín Casal, do sector galeguista do PSdeG, votaron a favor de Gerardo Fernández Albor. Pilar García Negro destaca o impulso "galeguista" que Casares lle deu a Lei de Normalización Lingüística.
"Estou convencido de que --Xosé Cuíña-- somatizou moita dor de todo o que lle causou esta circunstancia. Non o digo en termos científicos, senón o que vimos moitos na familia, que o que lle fixeran era unha inxusticia e entón todo aquel mundo que creara durante anos, desmoronouse", asegura o fillo de quen era chamado a ser o sucesor natural de Manuel Fraga e que foi defenestrado por Madrid.
O pensamento económico galego ten unha historia apenas coñecida. Ese descoñecemento está desgrazadamente moi xeralizado. Vexamos algúns casos.
As Irmandades da Fala constituídas en 1917, seis anos antes do pasamento de Manuel Murguía, fundador do nacionalismo galego, reivindicou a soberanía estética de Galicia como un dos obxectivos para impedir a desfeita do noso patrimonio arquitectónico, monumental e popular. Continuadores desa filosofía foron os intelectuais da Xeración Nós. O Partido Galeguista, fundado en 1931, incorporou ao seu programa o obxectivo das Irmandades, sendo o arquitecto Manuel Gómez Román o gran valedor da defensa dun estilo arquitectónico xenuinamente galego. Ramón Otero Pedrayo calificouno como o soñador das mil Compostelas para Galicia. As súas construcións espalladas pola xeografía galega e moitos proxectos inéditos que se conservan dan fé do aserto oteriano.
Editor, político e home de fortes compromisos, Casal é unha das caras máis visibles do galeguismo represaliado durante a Guerra.
Reclama a forzas políticas, institucións e axentes sociais que teñan "sentido de país".
Os 'populares' galegos celebraron este venres o acto de conmemoración do Día de Galicia.
Edicións Laiovento vén de publicar unha nova obra de Xosé Manuel Beiras titulada “ Retratos en fite”. Un libro no que o autor confesa admiración polo “Libro dos amigos” de Ramón Otero Pedrayo, que recolle a memoria dun fato de amigos cos que partillou militancia galeguista.
Son dos que opinan que o Día das Letras Galegas debería mudar o seu obxectivo fundacional de divulgar a literatura galega por outro formato que explore novos horizontes. Esta exclusividade deixa sen visibilidade outros espazos nos que se xoga o futuro da lingua. Aínda máis: grandes franxas sociais non se sinten atraídas, en absoluto, polo carácter destas celebracións literarias; míranas de esguello, con indiferenza.
A Real Academia Galega estrea documental sobre a vida do laureado polas Letras Galegas deste 2022.
A polémica por mor da desacertada decisión do xurado do Benidorm Fest de non permitir que a proposta maís votada polo público chegase en primeiro posto ten raíces ben chantadas no mal que tolle o plurilingüísmo recoñecido pola Constitución.
Os presidentes da Xunta e do Parlamento participan nunha ofrenda floral xunto ao Partido Galeguista e a Fundación Castelao.
Feijóo erixe á Cámara no "espello no que o pobo galego se recoñece". O BNG reivindica máis poder político.
Na celebración dos 90 anos da fundación do Partido Galeguista apela a "resignificar" esta data fronte ao aniversario da Constitución.
Vén de aprobar unha proposta para defender o topónimo orixinal despois de que o Instituto Xeográfico Nacional recoñecera o outro a petición de Asturias.
Estamos nas portas do nadal. A partir de agora as grandes campañas publicitarias farán máis visibles as ofertas comerciais que se lles ofrecen aos consumidores que por estas datas son máis receptivos a elas. As canles de televisión emitirán anuncios en atractivos formatos pregoando augas de colonia e perfumes franceses, idioma que os máis dos telespectadores non entenden. Pero tanto lles ten. Velaí a maxia da publicidade ben feita: facer crible o imcomprensible.
Advirte da "debilidade" da estrutura galega, que contrasta coa súa "fortaleza" institucional e implantación territorial.
Os conceptos son equívocos. Mesmo ás veces só poden facer dano, como cantou Depeche Mode (Enjoy the silence, 1990). Dende o ámbito do galeguismo político, ao longo dos seus 170 anos de percorrido, formuláronse propostas autonomistas, federalistas, confederalistas ou indepe-arredistas. Mais sempre dende a consideración do dereito de Galicia a decidirmos o noso futuro.
Segundo o presidente da Xunta, os deputados Alfredo Conde, Ramón Piñeiro, Carlos Casares e Benxamín Casal "personificaban un galeguismo apto para todos os galegos".
Reivindica o "aval" do traballo ben feito en clave electoral.
Ana Pontón ven de dicir que o BNG precisa alargar a súa base social para lle dar forza e continuidade ao avance electoral.
Os socialistas destacan o papel histórico do seu partido na ofrenda a Castelao, con nota musical de Emilio Batallán.
Chega o 25 e con el a celebración do Día da Patria Galega, Día Nacional de Galicia ou Día de Galicia, que coas tres denominacións son convocadas concentracións para festexaren unha data moi significativa no calendario sentimental dos galegos e galegas. Galicia enteira acudirá aos chamamentos que fan partidos políticos e sindicatos. En todos eles apelarase á galeguidade con cadanseu matiz. Mais o que nos debe preocupar é que todos os discursos que se pronunciarán teñen algo en común: a retórica da abstración, máis ou menos cargada de bombo.Galicia non pode ser unha abstración. É unha Terra que se ve, que se ole,que se apalpa… dixo Vicente Risco.
O Foro E. Peinador hai ben anos que ben dirixíndose aos cúmios das organizacións convocantes para que concreten a idea de Galicia que lles queren transmitir ás súas hostes. Nese intento non tivo nunca éxito. O pedimento que se lles fixo caeu en saco roto. Débelles parecer unha nimieza ou impertinencia dirixírse aos seus seguidores instándoos a escolleren preferentemente produtos galegos no seu consumo cotiá. O razoamento de tal solicitude está debidamente xustificado: as industrias agroalimentaria precisan de consumidores que as fagan viables e non sucumban ante a voraz competencia de produtos foráneos que atopan nas grandes superficies e supermercados todas as facilidades para a comercializan dos seus produtos que se lles negan aos nosos.
Hanse referir os que pronuncian os discursos conmemorativas, como é costume neles, a nosa condición de nacionalidade que sofre as políticas marxinadoras do Estado. Non seremos nós os que neguemos que así é. Pero reprochámoslles aos concelebrantes a perversa disociación das características que definen a nacionalidade. Castelao, a quen se citará en todos os actos, enumerou as características de Galicia: idioma, territorio e vida económica propia, amais dos hábitos sicolóxicos refletidos nunha comunidade de cultura. Características indisociables. Mais o certo é que cadaquén, esgazando a unidade que conforman todas, adoitan facer fincapé nun ou noutro aspecto segundo lles conveña ao seu credo político. O máis que poden facer é utilizar os catro conceptos para arrebolarllelos aos contricantes criticándolles as súas políticas.
Ninguén apela á galeguización da economía, por exemplo. O Foro E.Peinador na misiva que lles enviou ás organizacións políticas e sindicais dílles que “a economía debe ser galeguizada, nomeadamente no ámbito agroalimentario. As explotación agrícolas e industrias de transformación do sector precisan do apoio dos consumidores para sobreviren e producir fixación de poboación no rural. Por idénticas circunstancias de dificultades pasa o noso idioma, que non acaba de ter a presenza que debera ter nos ámbitos sociais e económicos. Os nosos produtos e lingua galega porecisan do apoio dos consumidores para afortalaren es alianza estratéxica que define a Galicia como nacionalidade”.
As organización receptoras do chamamento deberían practicar unha política pedagóxica de rente o chan, chamándolle ao pan pan e o viño viño; é dicir, “consideramos oportuno que desde as tribunas dos oradores se lles demande ao asistentes, de maneira expresa, clara e contundente, que nas compras cotiás elixan produtos etiquetados en galego. Porque deste xeito os consumidores terán a oportunidade de manifestaren un galeguismo verdadeiramente transformador”. De non mudaren o discurso, o demais é falar por falar. Hai que superar a diglosia no consumo.
E un derradeiro prego, agora dirixido aos militantes máis conscientes desas formacións sindicais e políticas: demándenlles aos seus dirixentes que nas convocatorias do próximo día 25 se pronuncien sobre este asunto tan decisivo para nós coma pobo. A unidade fai a forza. Ramón Cabanillas, o noso poeta máis reivindicativo expresouno poeticamente nestes versos: “ Galicia, Nai e Señora, sempre garimosa e forte: preto e lonxe; onte, agora, mañá...na vida e na morte!
5 son as veces que Feijoo vai ser presidente do seu partido, o Partido Popular de Galicia. 20 anos de liderado, nas filas conservadoras en Galicia.
O Foro Enrique Peinador insta a sindicatos e asociacións a incentivar o consumo de produtos galegos e etiquetados en lingua galega.
Coincidindo co ano dedicado a esta figura, o Parlamento impulsou iniciativas como a exposición que agora chega a Ferrol, onde permanecerá ata o próximo 24 de xullo; a edición do libro 'Ricardo Carvalho Calero, orador. Discursos e leccións'.
A peza de Dioivo pon melodía ao clásico 'Retorno a Tagem Ata'.
A presidenta provincial dos 'populares' "aplaudiría" unha dirección do PPdeG con máis mulleres e pon en valor o seu territorio: "Lugo ten xente moi válida".
O presidente da Deputación de Ourense gaba o papel de Feijóo pero non descarta optar ao liderado do PPdeG se Feijóo dá o salto a Madrid: "no seu momento, falaremos".
Enxalza á escritora como un punto de encontro entre Galicia e Madrid, "alicerces da España unida e diversa".
Logo de ser apresados polo exército de Isabel II, os sublevados galegos foron executados en Carral sen ter recibido sequera xuízo. A Plataforma Vía Galega lembrará a súa memoria cun acto este sábado.
Ofrece a Feijóo chegar a un acordo sobre os fondos Next Generation.
As fundacións herdeiras da Xeración Nós recibirán o martes as Medallas do Parlamento de Galicia 2021
A entrega do galardón, que foi suspendido en 2020, coincidirá co 40 aniversario do Estatuto de Autonomía.
O pasado día 22 celebrouse no Parlamento de Galicia o acto de entrega da XXVII edición dos premios de pùblicidade en galego que anualmente convocan o propio Parlamento, Secretaría Xeral de Política Lingüística e Foro E. Peinador do que son presidente. O obxectivo destes premios é premiar ás empresas e axencias de comunicación polo uso da lingua galega nas mensaxes publicitarias en todos os formatos habituais (prensa, radio, televisión e internet).
Teño para mín que amplos sectores da nosa Galicia aínda non avaliaron a modo o que supón o moi recente pasamento do seu fillo Xosé Ramón Barreiro (1936-2021). Porque persoas desta caste non xurden a eito nun pequeno País coma éste noso.
Unha curtametraxe documental aborda o valor da figura do galeguista e a súa vinculación coa guerrilla antifranquista
GC 2023
Séguenos
