Por E.P. | SANTIAGO DE COMPOSTELA | 09/08/2019 | Actualizada ás 18:36
A pintora Maite Vázquez, a emprendedora Mercedes Lindoso ou á Banda Musical Isabel II de Touro foron galardoados pola súa traxectoria nos Premios 'Alecrín 2019', que foron entregados este venres en "recoñecemento do talento" e o interese por "difundir" a lingua e a tradición da comunidade máis aló de Galicia
Ao evento, organizado pola Federación de Entidades Culturais Galegas en Cataluña, asistiron o presidente do Parlamento de Galicia, Miguel Anxo Santalices, xunto co secretario xeral de Emigración, Antonio Rodríguez Miranda.
Así, o secretario xeral destacou entre os premiados a Maite Vázquez, que proxectou o seu traballo en América e Europa "sen esquecer as súas orixes en Castro Caldelas", así como a Banda Musical Isabel II de Touro, polo seu traballo a "favor da tradición musical das bandas galegas". Ademais, sinalou a Mercedes Lindoso, emigrante lucense que levo o seu "espírito emprendedor" a Barcelona creando 'Reformas Carrete e Lista de Vodas Lindoso'.
Pola súa banda, na súa intervención, Rodríguez Miranda fixo fincapé en que os premios ademais de supor un "gran recoñecemento" do talento, tamén mostran a "capacidade dos galegos". "Esta cita anual lémbranos gran parte do que somos e do que podemos chegar a ser", comentou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.