Aumentan en case un 2% as intervencións cirúrxicas realizadas polo Sergas durante o primeiro semestre
Foron 1.945 máis que o mesmo período do ano anterior.
Por E.P. | SANTIAGO DE COMPOSTELA | 10/08/2019 | Actualizada ás 20:41
Os centros do Sergas realizaron no primeiro semestre un total de 112.319 intervencións cirúrxicas, tanto en quirófanos como en sales especiais. Así, foron 1.945 máis que o mesmo período do ano anterior, preto dun 2 por cento de incremento.
O 54 por cento do total de intervencións foron ambulatorias, polo que non necesitaron estancia hospitalaria. En concreto, unhas 60.287 fronte a unhas 52,032 que si tiveron ingreso, segundo os datos facilitados pola Consellería de Sanidade.
Doutra banda, unhas 95.468 intervencións foron de carácter programado, fronte ás 16.851 que foron urxentes. Así mesmo, realizáronse máis de 2,8 millóns de consultas nos hospitais entre xaneiro e xuño deste ano.
