Ourense renova a sinalización nos arredores de 28 centros educativos para o comezo do curso escolar
Por E.P. | SANTIAGO DE COMPOSTELA | 01/09/2019 | Actualizada ás 17:17
O Concello de Ourense actuou, durante as últimas semanas, na contorna de 28 centros educativos da cidade ante o comezo do curso escolar, polo que renovou a sinalización tanto horizontal como vertical, repintou os pasos de peóns e repuxo novos sinais nos accesos aos centros para dotalos dunha "maior seguridade" para o alumnado.
Segundo indicou nun comunicado o Concello, a campaña Colexios 2019/20 detectou moitos elementos de sinalización ao redor dos centros que estaban desgastados polo seu uso, sobre todo no tocante a elementos horizontais, polo que se procedeu ao repintado de pasos de peóns; das zonas amarelas tanto na porta principal como na zona de seguridade dos pasos de peóns e das zonas de carga e descarga dos buses escolares.
No ámbito da sinalización vertical, reforzáronse sinais danados polo paso do tempo e colocáronse elementos reflectores nos sinais de 'zona escolar' e mellorado os sinais de limitación de velocidade.
