Por E.P. | A CORUÑA | 21/10/2019 | Actualizada ás 18:07
A alcaldesa da Coruña, Inés Rey, e a comisión executiva da Real Academia Galega (RAG) acordaron "afondar" na colaboración entre ambas as institucións, tras unha reunión na sede da institución.
O encontro formou parte da visita institucional que realizou a rexedora e que concluíu cun encontro coa presenza, entre outros, do presidente da Real Academia Galega (RAG), Víctor F. Freixanes.
Na visita, Freixanes agradeceu a presenza na Academia da rexedora que, acompañada polo concelleiro de Cultura, Jesús Celemín, deixou constancia no libro de honra da institución da vontade do consistorio de seguir colaborando "na defensa da nosa lingua e da nosa cultura".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.