O 'Festival Internacional do Mundo Celta de Ortigueira', a unión das nacións celtas en Galicia
O sábado pola noite destaca a presenza de Milladoiro e o domingo pola mañá será o 'Desfile das Nacións Celtas' e o concerto do 25 aniversario de 'Mamá Cabra'.
Por Galicia Confidencial | Ortigueira | 11/07/2025 | Actualizada ás 21:00
Este pasado mércores quedaba inaugurado o Festival de Ortigueira 2025, ano tamén de aniversario da Escola de Gaitas de Ortigueira. No acto inaugural, que se completou coa sinatura do presidente da Xunta de Galicia no libro de honra do evento, homenaxeouse á Escola de Gaitas de Ortigueira pola súa 50.º aniversario e tivo lugar o tradicional izado de bandeiras das nacións celtas.
O acto comezou co desfile e a música por parte da Escola de Gaitas de Ortigueira, que recibiu unha calurosísima ovación do público alí presente e tras ela os bretóns Maxime Guillermic, Erwan Guillou e Lionel Prignent precederon ás intervencións institucionais. Estas comezaron con Bruno Lozano, o presidente da Escola de Gaitas, destacando os inicios do festival e agradecendo aos fundadores que inculcaron os seus valores a todo o pobo.
Pola súa banda, o alcalde de Ortigueira, Valentín Calvín, comezou cun agradecemento no seu terceiro ano de mandato a todos os representantes institucionais. Tras os agradecementos, fixo notar a súa emoción por estar un ano máis nun Festival destas características: “Este é sen dúbida uns dous momentos non que ser alcalde é unha gran honra. Este é ou meu terceiro Festival como alcalde, pero sen dúbida, é ou máis especial. Porque este 2025 celebramos unha data histórica: ou 50 aniversario dá Escola de Gaitas de Ortigueira. Cincuenta anos de música, de tradición, de compromiso coa cultura e co ensino. Unha institución que non só fundou este festival, senón que continúa sendo ou seu motor e ou seu corazón”.
Para rematar, e despois de agradecer á Escola e a todas as xeracións de músicos que pasaron por ela, ás súas familias, ao profesorado, alcaldes e ás 22 parroquias do Concello a súa vinculación co Festival, dixo “desfrutade con sentidiño, gozando do espazo natural”
A parte institucional do acto concluíu coa homenaxe á Escola a través dos seus 4 directores, recoñecendo o seu labor.
Agora, quedan por diante varios días de festival ata o 13 de xullo cunha chea de actividades paralelas e grandes concertos. A axenda completa está na web do festival.
