Por E.P. | SANTIAGO DE COMPOSTELA | 11/11/2019 | Actualizada ás 17:59
Empresas galegas avanzan no proxecto de innovación 'QC4SusTex', centrado no desenvolvemento de sistemas que controlan o impacto ambiental das augas residuais da industria téxtil e que verifican as fibras sustentables. Entre eles, hai desde aplicacións para augas residuais ata un test sobre a orixe animal.
A directora da Axencia Galega de Innovación (Gain), Patricia Arganey, presentou este luns en Lugo as novidades da iniciativa e felicitou aos socios do proxecto por avanzar cara a unha industria máis "sustentable e respectuosa co medio ambiente". Así, destaca que Galicia aposta por unha "economía verde" e o "importante" papel do I+D+i neste sentido.
O proxecto conseguiu presentar varios produtos que permiten facilitar os procesos de control ambiental no ámbito da industria téxtil, a segunda máis contaminante do mundo. Esta iniciativa está liderada polo laboratorio lucense AMSlab e participan tamén as empresas Xenotechs, Masterlab Research, Organistry, 2xMil e varios grupos de investigación da Universidade de Santiago de Compostela. O proxecto conta ademais co apoio do programa Conecta Peme da Xunta de Galicia e o cofinanciamento de fondos Feder.
PROXECTOS
Con respecto ao control do impacto das augas residuais presentouse, entre outros produtos, unha aplicación que permite realizar ao momento medicións de compostos químicos en augas residuais.
No ámbito da verificación dos materiais incorporaron un total de cinco avances. Un exemplo son o 'Vegan Test', que asegura que os produtos analizados non inclúan nada de orixe animal, e un 'Test de Verificación de Algodón Orgánico', que controla a presenza ou ausencia de algodón modificado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.