Por E.P. | A CORUÑA | 27/11/2019 | Actualizada ás 19:32
O Monitor de Reputación Sanitaria, elaborado pola consultora Merco, empresa especializada neste tipo de estudos, sitúa ao Complexo Hospitalario Universitario da Coruña (Chuac) no posto número 12 como mellor hospital de España e o mellor de Galicia, segundo informa a Xerencia.
En relación ao mesmo estudo realizado o ano pasado mellora seis postos ao pasar do número 18 ao posto 12. Dentro dese estudo, o Chuac competiu con hospitais como A Paz e Gregorio Marañón, de Madrid, ou o Clínic de Barcelona.
En canto aos servizos sanitarios con mellor proxección de España, o de Cirurxía Oral e Maxilofacil e o de Farmacia Hospitalaria do Chuac quedaron nos postos sexto e oitavo, respevtivamente, dentro cada un da súa categoría.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.