Por Europa Press / Redacción | Santiago de Compostela | 12/12/2019 | Actualizada ás 19:24
Os autónomos galegos integrados nas asociacións Agtamar e UPTA conformaron unha plataforma para facer fronte aos "atracos legais" das sucesivas subas do prezo das peaxes na AP-9 rexistradas nos últimos anos, incrementos que ven "inasumibles" para os traballadores por conta propia que teñen que desprazarse do norte ao sur galego pola Autoestrada do Atlántico.
O presidente de UPTA, Eduardo Abad, censurou que sexan os usuarios "que máis frecuentan" esta infraestrutura os que sufraguen as obras realizadas nos últimos anos, como a ampliación da ponte de Rande e a circunvalación dos accesos a Santiago.
"Non só estamos entre todos os usuarios financiando a viabilidade da empresa privada concesionaria, senón que ademais estamos a lles proporcionar a través das obras realizadas unha maior capacidade de tráfico e por tanto de clientes na mesma", indicou.
Neste sentido, avanzou a creación dunha plataforma prfoesional que terá "como único obxectivo reverter a actual situación pola que están a atravesar diariamiente máis de 10.000 profesionais autónomos e pequenos empresarios no desenvolvemento da súa actividade".
As asociacións promotoras da plataforma indican que a ela se sumaron xa APE-Galicia, a organización Feaga e ATA Galicia, colectivos que representan a un cuarto dos 200.000 traballadores autónomos da comunidada.
Así, fixan como primeiro obxectivo conseguir unha reunión co ministro de Fomento en funcións, José Luís Ábalos; así como "coordinar as accións que desde a Xunta e outras administracións levan a cabo sbore as tarifas que se aplicarán".
"Esta situación ten como responsables directos aos executivos do Estado e aos da comunidade autónoma, que non poden ser alleos ao problema. Esiximos o seu compromiso e que asuman a súa responsabilidade polas decisións que se tomaron no pasado coas ampliacións da concesión e as prórrogas sucesivas", engaden as asociacións Agtamar e UPTA.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.