Por E.P. | A CORUÑA | 19/12/2019 | Actualizada ás 12:47
A Comisión de Sanidade e Saúde da Agrupación Provincial do PSdeG-PSOE da Coruña denunciou que "a día de hoxe, o 30% dos recursos da Consellería de Sanidade marchan ao medicamento privado ou concertado e o 17% do gasto xeral acaba nos concertos cos centros".
Nun comunicado alerta tamén "do problema de financiamento da sanidade pública galega, cunha poboación maior de 65 anos que aumenta cada ano". "E cada vez menos recursos por erros na xestión", sostén. Ademais, apunta que aos concertos "sóbeselles anualmente o IPC, pero ese IPC nunca repercute nos salarios dos traballadores da sanidade pública".
Os socialistas coruñeses denuncian tamén "as carencias dos centros de saúde en períodos vacacionais" e avanzan que pedirán á executiva provincial que apoie todas as protestas e folgas relacionadas tanto na asistencia primaria como especializada.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.