As universidades iniciarán en febreiro as conversacións coa Xunta para establecer un novo marco de financiamento
O reitor da Universidade de Vigo, Manuel Reigosa destacou que o sistema estivo "blindado" durante os anos da crise co plan de financiamento universitario de Galicia, que foi "extraordinariamente positivo para este período".
Por E.P. | SANTIAGO DE COMPOSTELA | 15/01/2020 | Actualizada ás 12:33
Os responsables do tres universidades galegas iniciarán no mes de febreiro as conversacións coa Xunta para establecer o "marco" dun novo sistema de financiamento que permita situarse "no nivel dos países da contorna".
Así o explicou o reitor da Universidade de Vigo, Manuel Reigosa, que destacou que o sistema estivo "blindado" durante os anos da crise co plan de financiamento universitario de Galicia, que foi "extraordinariamente positivo para este período".
"Agora trátase de abrir un novo período de negociación", dixo Reigosa, que indicou que as conversacións se iniciarán "o próximo mes".
Este novo financiamento, dixo o reitor da Universidade de Vigo, necesita, entre outras cuestións, dunha "proposta plurianual" que permita ás universidades galegas "achegarse aos niveis de investimento de países da contorna".
