Temas: EN MAREA MERCEDES QUEIXAS A CORUñA GALIZA NOVA OURENSE LUGO GALICIA GALIZA CASTROS BNG PONTEVEDRA MINI

O Consello Nacional do BNG aproba as súas candidaturas e programa electoral para o 5A

Nas listas volven aparecer nomes coma os de Montse Prado e Iago Tabarés (números 2 e 3 por Pontevedra), ou Mini e Rosana Pérez (A Coruña). Ao tempo, incorpóranse outras como a escritora Mercedes Queixas ou Alexandra Fernández.

Por E.P. | SANTIAGO DE COMPOSTELA | 29/02/2020 | Actualizada ás 18:45

O Consello Nacional do BNG aprobou este sábado as candidaturas e o programa electoral para o próximo 5 de abril. Nas listas, ademais da fichaxe que transcendeu nas últimas horas da exdeputada de En Marea Alexandra Fernández, aposta de novo por Iago Tabarés e Rosana Pérez (ex deputados autonómico e no Congreso, respectivamente) e incorpora á escritora Mercedes Queixas.

En concreto, Alexandra Fernandez ocupa o terceiro lugar na lista pola provincia de Pontevedra, xusto despois da deputada Montse Prado e a cabeza de lista, Luís Bará, polos que a formación volve apostar para ocupar os postos de saída.

Así mesmo, o BNG recupera ao que foi cabeza de lista ao Congreso por Ourense nas eleccións xerais do 28A, Iago Tabarés, que se sitúa agora como o número dous por esta provincia, por detrás da deputada Noa Presas.

Ademais, o membro da Dirección Nacional de Galiza Nova e estudante de Filoloxía Daniel Castro incorpórase como segundo por Lugo, tras a viceportavoz do grupo na Cámara, Olalla Rodil.

Pola súa banda, Mercedes Queixas será o número tres pola provincia da Coruña, seguida de Rosana Pérez. Ambas irán detrás do número dous e actual deputado no Parlamento, Xosé Luís Rivas 'Mini'.

Para pechar as listas, os nacionalistas volven apostar polo antigo conselleiro de Medio Rural durante o bipartito, Alfredo Suárez Canal, que se presenta por Ourense, e mais Rubén Arroxo Fernández por Lugo, cidade da que é tenente alcalde.

CANDIDATURAS "DE EXCELENCIA"

A portavoz nacional do BNG, Ana Pontón, subliñou que as listas están formadas por candidaturas "de excelencia" con persoas "preparadas, honestas e comprometidas" para "defender os intereses" de Galicia coas "mans libres e ideas claras".

Así mesmo, valorou a "gran presenza" de mulleres nas listas, con tres delas na cabeza das candidaturas da Coruña, Lugo e Ourense. Tan só queda Pontevedra sen un liderado feminino, ao ir Alexandra Fernández de número 3. Ademais, Pontón salientou a incorporación de xente nova coa que "combinan experiencia e renovación".

Neste sentido, sinalou que aspiran a liderar un "reto ambicioso" pero composto por persoas "capaces" con "rigor, seriedade e altura de miras" para "romper coa maioría absolutista inútil e nociva do PP" e ter un goberno con "centro de gravidade" en Galicia e que "non ten despachos de Madrid".

"ACUMULAR FORZAS DENTRO DO SOBERANISMO"

O día no que se ratificou a súa candidatura, Alexandra Fernández publicou en Twitter o seu paso de "sumar" co BNG, xa que coincide coa formación na "necesidade de abrir un novo ciclo no que acumular forzas dentro do espazo do soberanismo", así como na "necesidade de autoorganización e da urxencia de pomerle fin á etapa negra de Feijóo".

ABRO FÍO 👇🏽

Moita xente que no seu momento fixemos unha aposta por explorar a alianza táctica entre a esquerda soberanista e a esquerda federalista hai tempo que, ante a evidencia dos feitos, chegamos á conclusión de que esta é unha vía esgotada.
(1/6)
— Alexandra Fernández (@aKollontai) February 29, 2020

Pola súa banda, Pontón sinalou que o BNG é un grupo "cohesionado, unido e sólido" ao que "cada vez máis persoas miran" porque "son a referencia do cambio". Valorou que é "unha boa noticia" para Galicia porque "fortalece a alternativa de esperanza e futuro", tal e como se refire ao partido.

PROGRAMA ELECTORAL

En canto ao programa electoral, Ana Pontón cualificouno de "ambicioso" e sostivo que ofrece "solucións e políticas autocentradas" que non son un "copia e pega doutros proxectos".

Ademais, destacou que o programa "condensa con historia e solvencia" o proxecto do BNG, pero ao tempo "soubo renovarse" para "pór en marcha" unha Galicia "produtiva, innovadora, social, feminista, ecoloxista e empoderada". Así, sitúa ao partido como a "referencia" da "campaña do cambio" fronte á "continuidade" de "gobernos absolutistas e sucursalistas" para conseguir unha "Galicia gobernada desde Galicia, sen ordes de Ferraz e Xénova".

Pontón recoñeceu tamén o labor de "persoas expertas" para a inclusión de propostas dos "sectores sociais máis dinámicos e innovadoras" ao seu programa electoral.

Temas: EN MAREA MERCEDES QUEIXAS A CORUñA GALIZA NOVA OURENSE LUGO GALICIA GALIZA CASTROS BNG PONTEVEDRA MINI

4 Caramiñas

Rosana Pérez? Que lle premian para ir nas listas? O seu paso máis que mediocre e escuro polo parlamento español ou o seu traballo de fontaneira expulsadora?

3 miñoca

O BNG prohibe hoxe a entrada de persoas no acto da discoteca O Barranco (Louzao) Galicia calidade. Nazi..onalistas??

2 Orduño

Todos os chiringuitos benegallos representados e un par de trofeos polo medio. O gatopardismo recuperado.

1 Gamela

Fartos do móvete tí para poñerme eu! Calquera proposta de futuro para Galicia non pasa nin de lonxe por darlle máis poder á UPG (os galegos coñecen ben como funcionan as formacións stalinistas!) As consideracións de Alexandra arredor do "soberanismo" e do "federalismo" están moi lonxe do soño de Castelao dunha República Federal Ibérica. Mudar o "federalismo" de Esquerda Unida (Unidas-Podemos) polo "federalismo" do PSOE non ten nada que ver ca "soberanía de Galicia" Pero centrándonos en Galicia o PSOE (socio natural do BNG) seguirá PRIVATIZANDO a explotación do Patrimonio e machacando a impostos ás clases traballadoras (que é do que viven). As cousas parece que non mudan NADIÑA! https://youtu.be/C7cN0qV60zc?t=7m54...

1 José

O federalismo de esquerda unida era nada máis que un instrumento para alcanzar unha maioría numérica na representación electoral e, sobre todo, era unha necesidade tras Amio. Como todo foi como foi, pois cada pau aguanta a sua vela. O de Castelao tes que actualizalo, que non o faga a UPG non é excusa...

2 Gamela

Quen debera actualizarse (ou disolverse) é a UPG! O alcalde de Oporto vai por diante na proposta de crear un IBEROLUX (Benelux) se Vigo non fose a finca particular dun tal Abel Caballero (carrexando votos para Madrid) igual teríamos avanzado algo pero ao BNG nin se lle escoita falar do tema (?) Como tampouco ninguén se pregunta que carallo pinta un tal Vázquez Mao de Secretario Vitalicio do Eixo Atlántico que en 30 anos só fixeron paparotas (agás o proxecto de eurocidade Verín-Chaves) A UPG (BNG) sempre anda coas luces curtas e así imos de cú... https://elpais.com/internacional/20...

3 Serxio

Iso de crear un Iberolux carece de sentido total, pois xa existe unha unión aduanera e economica entre españa e portugal así como con francia, alemaña, italia ou o propio benelux chamase Union Europea, por non dicir que o propio benelux e unha versión primitiva e máis limitada da UE. Se o rollo vai por afianzar relacións e tratados entre ambos xa existen tamén as cumbres ibéricas que se celebran cada ano e onde se chega a diferentes tratados entre España e Portugal.

4 Serxio

O alcalde de Porto non o coñezo pero se dixo iso debería replantearse ser politico no país no que reside pois parece que descoñece a súa realidade, agora ben se o que dixo ía en sentido de afianzar mais as relacións e mellorar os traballos conxuntos completamente dacordo pero iso non se consegue creando novos organismo que teñan a mesma función ca os que xa existen xdd, en todo caso terán que tomar estas cumbres mais en serio, que bueno dicir que se podera querer que funcion mellor ou peor pero funcionar funcionan e se chega a acordos bilaterais.

5 Gamela

Eu tampouco coñezo ao alcalde de Oporto, pero sí lembro cando o alcalde de Vigo lanzou improperios contra el, e púxose a subvencionar liñas aéreas en Peinador (Vigo) tirando os cartos para conseguir subir as cifras do aeroporto local (?) Cando as areolíneas pediron máis cartos e non llos deu sairon todas zumbando... e según din hoxe voar de Vigo a Madrid pódeche sair por 300 € ! Como sigamos esta política miope e localista o futuro será unha Cidade Estado para Ricos do PSOE e os demáis que vaian andando se queren viaxar... (?) Por iso a proposta de afondar en programas comúns con Portugal paréceme moi sensata! Pero non vexo a UPG moi disposta !