Arde unha nave industrial en Catoira
O incendio afectou o interior dunha nave que contén fariña de peixe. Polo momento non hai que lamentar danos persoais.
Por E.P. | SANTIAGO DE COMPOSTELA | 01/03/2020 | Actualizada ás 13:53
Unha nave industrial situada no lugar de Portocanles, na parroquia de Dimo do concello pontevedrés de Catoira, está a verse afectada por un incendio que se propagou a mañá deste domingo no seu interior.
Foi preto das 11:05 horas da mañá cando unha persoa particular contactou cos servizos de emerxencias para pór os feitos en coñecemento do Centro Integrado de Atención ás Emerxencias (CIAE).
Segundo o 112 Galicia, o incendio afecta o interior dunha nave industrial que contén fariña de peixe e, polo momento, non se rexistraron danos persoais de ningún tipo.
Agora, os servizos de extinción de incendios tratan de sufocar o lume, que xa está baixo control. Ata o lugar desprazáronse os Bombeiros do Salnés, Urxencias Sanitarias de Galicia-061, o GES de Padrón, a Garda Civil e dos voluntarios de Protección Civil da localidade.
