Axuda a atopar aves que están aparecendo mortas nas costas galegas

ADEGA e o Grupo Naturalista Hábitat organizan ata o domingo 8 de marzo, un dispositivo de inspección de praias, recollida de aves abeiradas e avaliación deste grave episodio de contaminación mariña.

Así, estes grupos ecoloxistas acudirán a 12 areais de 12 concellos costeiros distintos, nomeadamente na provincia da Coruña. "No obstante, se aparecen máis voluntarios e voluntarias, non se descarta que se acuda a máis areais dos previstos", suliñan nun comunicado.

Dende ADEGA xestionan o reparto de persoas interesadas no seguemento das praias (Maria Canedo) e dende Hábitat compilan o número de aves afectadas para a realización dun informe (Atocha Ramos e Cosme Damián Romay). Se queres participar, liga co teléfone 651482305 (María Canedo, ADEGA).