Por Galicia Confidencial | Madrid | 29/10/2012 | Actualizada ás 18:14
Os socialistas avaliaron este luns a crise xurdida en Galicia e Euskadi logo das eleccións do 21-O. Unha xuntanza da súa Executiva Federal na que o secretario xeral do PSOE, Alfredo Pérez Rubalcaba volveu defender a súa xestión ante os críticos.
De feito, suliñou que, os resultados en Galicia, se deberon en parte, ao feito de que a esquerda se presentou dividida. "Isto fixo difícil que a xente vise un goberno alternativo, senón a suma catro partidos", dixo. Precisamente, ese foi o argumento que utilizou Feijóo durante a campaña para defender a súa xestión fronte a un "bitartito".
A decisión, "deles"
Por outra banda, Rubalcaba insistiou en que non se discutiron os tempos nos que o PSdeG fará a súa reflexión tras os malos resultados das eleccións autonómicas galegas. "A decisión é deles", dixo en alusión a Pachi López e Pachi Vázqeuz.
Na Executiva, ambos os dous realizaron longas intervencións para analizar os seus respectivos resultados electorais. Sin embargo, ningún dos dous falou da situación futura das súas respectivas formacións.
Tamén nesa xuntanza, Rubalcaba insistiu en que se sentiu "unanimemente apoiado" polos membros da Comisión Executiva Federal do PSOE e que ninguén na Executiva lle pediu que acelere a convocatoria de primarias para elixir ao próximo candidato socialista á Presidencia do Goberno. Así, insistiu en que serán "cando toque", e que iso é "unha decisión política que non ten nada que ver coa situación persoal duns ou doutros".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.