Non baixa o nivel de mortos; outros 16 este mércores

A morte de 10 persoas nas últimas horas nos hospitais galegos elevou o número de falecidos polo COVID-19 a 288.

Por Europa Press / Redacción | SANTIAGO DE COMPOSTELA | 08/04/2020 | Actualizada ás 22:50

Comparte esta noticia

A morte de 10 persoas nas últimas horas nos hospitais galegos elevou o número de falecidos polo COVID-19 a 288 en toda Galicia, entre os producidos estes centros sanitarios e nas residencias de maiores.  Estes dez casos únense ao seis dados a coñecer ao longo deste mércores nos hospitais de Galicia, ademais doutro oito en residencias.

A evolución de falecidos en centros sanitarios experimenta certo repunte respecto de pasadas xornadas, con cinco máis que este martes, pero manténdose en termos similares ao fin de semana (o domingo houbo 16 e o sábado 15).

En concreto, entre estes novos falecidos atópanse dous homes de 76 e 74 anos e unha muller de 60 que estaban ingresados no Complexo Hospitalario da Coruña; ademais doutros dous homes, de 90 e 86, e tres mulleres, de 83, 90 e 86 anos, no Chuvi. O resto de casos déronse no hospital Quirón de Pontevedra, un home de 59 anos; e no HULA, un home de 92 anos. Todos eles presentaban patoloxías previas.

Durante a xornada deste mércores, Sanidade xa confirmara a morte doutras seis persoas: un home de 83 anos e unha muller de 91 anos no Complexo Hospitalario Universitario de Ourense; dous homes de 76 e 88 anos de idade no Complexo Hospitalario Universitario da Coruña; unha muller de 93 anos no centro HM Rosaleda de Santiago; e outra muller, de 80 anos de idade, no Hospital Comarcal de Valdeorras.

Cos últimos datos engadidos, o cómputo por áreas sanitarias (232 en total) ascende a 67 na Coruña, 49 na de Vigo, 42 en Ourense, 29 en Santiago, 16 en Ferrol, 17 en Lugo e 11 falecidos na de Pontevedra.

RESIDENCIAS DE MAIORES

Doutra banda, nas residencias de maiores confirmáronse oito falecidos este mércores: 5 no centro DomusVi de San Lázaro de Santiago, un na residencia de Bande (Ourense), e 2 na da nosa Señora da Esperanza (Ourense).

Un infectado de coronavirus sendo trasladado en ambulancia ao hospital por persoal sanitario
Un infectado de coronavirus sendo trasladado en ambulancia ao hospital por persoal sanitario | Fonte: © Miguel Núñez

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

1 Gamela

Muller de 82 anos morre por coronavirus en Moledo Vigo https://www.residenciamoledo.es/

1 Gamela

Morreu o luns 6, enterrárona o martes 7, e aparece no censo da Xunta o xoves 9 ! As cousas van con calma... https://www.xunta.gal/notas-de-pren...