“Unha idea, sete whatsapps e dúas noites en vela”, así naceu Versión Valdeorras, cinema gratis na rede

Cinema feito en Valdeorras a disposición do público nestas semanas de corentena grazas á iniciativa da produtora ruesa Cristina de la Torre e á implicación de directores como Ignacio Vilar, Xosé González, Ana Domínguez e Domingo D. Docampo.

Por X.M. Fernández | A Rúa | 10/04/2020 | Actualizada ás 12:00

Comparte esta noticia

Varios cineastas da comarca puxeron ao dispor do público durante uns días as súas obras cinematográficas grazas á iniciativa de Cristina da Torre, unha coñecida creativa e produtora da Rúa.

Calendario de 'Versión Valdeorras'
Calendario de 'Versión Valdeorras'

Películas documentais e de ficción realizadas en Valdeorras estarán dispoñibles e poderán verse durante estas semanas que restan, a priori, de confinamento. Títulos como “Sempre Xonxa”, “Santoalla”, “Pradolongo”, “Os Fillos da vide”, “Lobos sucios” ou “Espírito Abertal” poñerán en valor a creatividade de profesionais do audiovisual desta zona e farán máis amena a corentena.

Cristina da Torre explica na web creada para estruturar este “festival online”, que foi dabondo con dez minutos de mensaxes cruzadas para lear a todo o mundo para que cedese as películas e a colegas e empresas para que axudasen coa web e a comunicación; e no seu perfil de Twitter resúmeo dicindo que o resultado deste proxecto chegou despois dun traballo de ‘produción express’, “unha idea, sete whatsapps e dúas noites en vela... e xa está en marcha”.

Unha proposta máis, e local, que chega do mundo da creación cultural para entreter e lembrar, en tempos de ‘repouso caseiro’, que en Valdeorras faise bo cinema. Na web creada para estruturar este ciclo de cinema está toda a información, na que ademais do calendario de disposición das películas pódese acceder á información sobre todos/ as e cada un dos directores/ as que forman parte deste proxecto.

Imaxe da película 'Sempre Xonxa' de Chano Piñeiro
Imaxe da película 'Sempre Xonxa' de Chano Piñeiro
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Gamela

Agradécese pero capar o final de Sempe Xonxa é un verdadeiro crime ! Sempre Xonxa é unha obra de arte pola que non pasa o tempo ! Lástima de final ! Ás veces nótase moito que seguimos a ser "galegos" e "galegas" ... Chano Piñeiro non faría iso na vida... Lástima!

1 GalegON

Interesante.