O Resurrection Fest manterá a System of a Down, Korn e Deftones para 2021

A edición do ano vindeiro terá lugar do mércores 2 ao sábado 5 de xuño, unha data distinta á acostumada.

Por Europa Press / Redacción | SANTIAGO DE COMPOSTELA | 09/07/2020 | Actualizada ás 15:10

Comparte esta noticia

O Resurrection Fest anuncia este xoves que manterá ós cabezas de cartel System of a Down, Korn e Deftones para a edición de 2021, que terá lugar do mércores 2 ao sábado 5 de xuño. Dende a organización xustifican este cambio de data aludindo á necesidade de "poder conseguir que o cartel mantivese as expectativas do noso público, algo que de quedarnos na fin de semana orixinal e previamente anunciado sería imposible", apunta o comunicado.

En 2022, o Resurrection volverá ás datas orixinais, pero en 2021 e "no medio desta situación extraordinaria, na que moitas bandas acurtaron os seus períodos de xira ou modificaron por razóns alleas ao festival, farase unhas semanas antes". E engade a organización: "En especial, gustaríanos darvos as grazas a tod@s pola vosa confianza e gardar as entradas para o ano que vén. Non mentimos cando dicimos que temos o mellor público do mundo. Confiastes no Resu e as devolucións durante todos estes meses foron mínimas. Mil grazas!"

System of a down. RESURRECTION FEST
System of a down. RESURRECTION FEST | Fonte: Europa Press

"REPROGRAMAR AS BANDAS DO ANO PASADO", A PRIORIDADE

Aqueles que mantiveron as entradas, Resucamp ou viaxes, teñen que ter claro que serán "perfectamente válidas" para as novas datas. Toda persoa que non poida acudir nestas datas, no entanto, pode porse en contacto co soporte da ticketera do festival nun prazo de 15 días no e-mail de info@ayudaeventos.com.

"Por último, sabede que isto é só un adianto e estamos a traballar duro en reprogramar as bandas do ano pasado como prioridade. Proximamente anunciaremos o cartel final, variado e repartido por días, e sacaremos á venda as entradas que se devolveron neste tempo", finaliza.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta