Máis de 20 hectáreas queimadas en tres horas nun lume en Lousame

Un lume activo desde pouco antes das 15,00 horas deste venres no municipio coruñés de Lousame, queimou xa máis de 20 hectáreas.

O incendio iniciouse na parroquia de Vilacova. Neste incendio traballan cinco axentes, sete brigadas, seis motobombas, unha pa, cinco helicópteros e cinco avións.

O fume vese en amplas zonas da ría de Muros e Noia. De feito, os avións están cargando auga preto dalgunhas praias de Noia tal e como informaron algúns bañistas ao GC.