Os contactos estreitos dos dous casos de Covid-19 en Barbadás dan negativo

Os 29 contactos estreitos dos dous casos de Covid-19 detectados no municipio de Barbadás (Ourense) deron negativo nas probas PCR practicadas por profesionais do Sergas ao longo do pasado venres.

Segundo fontes sanitarias, ás 23 persoas identificadas polos rastreadores do Sergas como contactos estreitos sumáronse outras seis máis. Todas deron negativo e deberán gardar corentena durante 14 días.

Pertencen ao círculo de contactos dos dous mozos procedentes do País Vasco que deron positivo na proba do Covid-19. Atópanse en Barbadás en "illamento domiciliario e con sintomatoloxía leve".