Por E.P. | Santiago de Compostela | 15/09/2020 | Actualizada ás 20:03
A área pública da CIG non asinará o acordo co Ministerio de Administracións Públicas sobre traballo a distancia "tras fracasar as negociacións na mesa xeral". O portavoz da central nacionalista neste asunto, Xabier Picón, explica que o Ministerio presentou unha proposta inicial "bastante escasa" á que a súa organización fixo alegacións.
Pero estas, critica, foron asumidas "só para a súa inclusión na exposición de motivos, sen carácter vinculante para as distintas administracións públicas".
Fronte a isto, a CIG demanda "que se teñan en conta para a súa inclusión no articulado e que obriguen ás administracións ao seu cumprimento".
Entre outras cuestións, defende que a regulamentación do teletraballo "non pode significar unha redución de dereitos das persoas administradas, nin dos empregados públicos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.