Todos os partidos da esquerda nacionalista apoian a Maduro
BNG, anova, MpB, Nós-UP, PCPG, Primeira Linha asinan un manifesto a prol da vitoria de Nicolás Maduro nas eleccións de Venezuela.
Por Galicia Confidencial | Vigo | 17/04/2013 | Actualizada ás 12:59
Anova, BNG, MpB, NÓS-UP, PCPG e Primeira Linha, as organizacións sindicais CIG e COG e as organizaçons xuvenís Briga e Isca!, alén da organizaçom estudantil Agir e o Capítulo Galiza do Movemento Continental Bolivariano (MCB) acaban de subscribir o manifesto "Galiza coa Venezuela bolivariana. A vitoria de Nicolás Maduro garante a súa continuidade" no que apoian abertamente a lexitimidade da vitoria do novo presidente de Venezuela.
A iniciativa promovida pola Associaçom Galega de Amizade coa Revoluçom Bolivariana (AGARB) conta co apoio de 12 organizaçons políticas, sindicais e sociais. O coordinador xeral da AGARB, Xavier Moreda destacou as grandes transformaciónns sociais, económicas, políticas e culturais de Venezuela promovidas pola Revolución Bolivariana. "Adiantos que nom só lográrom reducir a pobreza e as desigualdades sociais, atingírom enormes conquistas nos ámbitos da educaçom, saúde, vivenda, deporte e servizos sociais", apuntou.
"Recuperazom da soberanía nacional"
Moreda incidiu que isto só foi posible pola política de "clara orientación patriótica e socialista" que conseguiu en pouco máis dunha década a "recuperaçom da soberanía nacional da Venezuela fronte a etapa da IV República cando o país semelhava ser umha simple neocolónia norteamericana".
Os asinantes do manifesto coniseran "imprescindíbel" a continuidade do proceso revolucionario bolivariano e socialista en Venezuela, pois é a única forma de "garantir as conquistas atinxidas" e seguir construíndo de forma tanxíble "umha alternativa ao caos neoliberal promovido polo capitalismo".
