Os autores Begoña García e Andrés Magán gañan o Premio Castelao de Banda Deseñada da Deputación da Coruña
Por E.P. | A CORUÑA | 09/10/2020 | Actualizada ás 15:01
A obra 'Adeus amigos', de Begoña García-Alén González, e 'As aventuras de Passer P. Malta', de Andrés Magán Zamorano, son as gañadoras do XV Premio Castelao de Banda Deseñada nas modalidades xeral e infantil e xuvenil, segundo informa a Deputación da Coruña, que convoca este galardón.
De ambas, o xurado destacou a calidade das propostas "tanto na súa aposta gráfica innovadora como na historia dos seus proxectos".
Ambos os gañadores naceron en 1989, estudaron Belas Artes na Universidade de Vigo e comezaron a publicar banda deseñada en 2014, aspectos que resalta o organismo provincial que destaca o recoñecemento nesta ocasión da obra de dous autores, con varios títulos publicados, de "traxectorias similares".
